PAN-Aadhaar घरबसल्या करा लिंक; असं तपासा तुमचं Linking Status

नवी दिल्ली, 3 जून: पॅन नंबर आधार कार्डशी लिंक (PAN card-Aadhaar Link) करण्याची शेवटची तारीख वाढवण्यात आली आहे. तुम्ही अजूनही पॅन कार्ड आधारशी लिंक केलं नसेल, तर 30 जून 2021 पर्यंत लिंक करण्याची संधी आहे. पॅन-आधार लिंक करणं अनिवार्य आहे. पॅन कार्ड आधार कार्डशी लिंक न केल्यास, पॅन कार्ड वैध मानलं (Invalid Pan Card) जाणार नाही. जर तुम्ही PAN-Aadhaar केलं असेल, तर याचं स्टेटसही ऑनलाईन (PAN-Aadhaar link status) चेक करू शकता.

पॅन (PAN) कार्ड आधारशी (Aadhaar) लिंक न केल्यास, मोठी समस्या येऊ शकते. आयकर कायद्याच्या कलम 139AA अंतर्गत पॅन अवैध मानलं जाईल. पॅन कार्ड लिंक न झाल्याच्या स्थितीत पुढील वेळेस ऑनलाईन ITR फाईल करता येणार नाही. अशा परिस्थितीत टॅक्स रिफंड अडकू शकतो. PAN Card अवैध मानलं जाईल.

पॅन कार्ड-आधार लिंक कसं कराल?

- पॅन कार्ड आधारशी लिंक करण्यासाठी इनकम टॅक्सच्या ई-फाइलिंग वेबसाईटवर जा.

- साईटवर पेजच्या डाव्या बाजूला 'क्विक लिंक्स'चा ऑप्शन दिसेल. इथे 'Link Aadhaar' ऑप्शनवर क्लिक करावं लागेल.

- इथे पॅन कार्ड, आधार कार्ड आणि नाव एंटर करावं लागेल. त्यानंतर OTP येईल.

- OTP टाकल्यानंतर आधार आणि पॅन लिंक होईल.

- इनकम टॅक्स डिपार्टमेंट तुमचे डिटेल्स क्रॉसचेक करतं, की तुमच्या आधार आणि पॅन कार्डची माहिती वॅलिड आहे की नाही.

(वाचा - PF खातं आपोआप होतं बंद; EPFO चा हा नियम माहितेय का? अडकू शकतात पैसे)

SMS द्वारे लिंक करा पॅन कार्ड -

मोबाईलद्वारे पॅन कार्ड आधारशी लिंक करता येतं. इनकम टॅक्स डिपार्टमेंटने दिलेल्या माहितीनुसार, 567678 किंवा 56161 वर SMS पाठवून पॅन-आधार लिंक करता येतं.

(वाचा - चुकीच्या अकाउंटमध्ये पैसे ट्रान्सफर झाल्यास कसे मिळतील परत? ही आहे प्रोसेस)

PAN-Aadhaar link status असं तपासा -

- सर्वात आधी www.incometaxindiaefiling.gov.in या वेबसाईटवर जा.

- 'Quick links' मध्ये 'Link Aadhaar' वर क्लिक करा.

- त्यानंतर एक नवं पेज ओपन होईल.

- या पेजवर सर्वात वरच्या बाजूला एक हायपरलिंक असेल, त्यावर स्टेटस जाणून घेण्यासाठी क्लिक करा.

- त्यावर क्लिक केल्यानंतर पॅन कार्ड आणि आधार कार्डचे डिटेल्स भरावे लागतील.

- View Link Aadhaar status वर क्लिक करुन, तुमचं पॅन कार्ड आधारशी लिंक आहे की नाही, ते समजेल.