राष्ट्रवादीच्या अध्यक्षाची निवड लांबणीवर ?
मुंबई, 3 मे : राष्ट्रवादीच्या गोटातून मोठी बातमी समोर येत आहे. शरद पवार यांनी राष्ट्रवादीच्या अध्यक्षपदाचा राजीनामा दिला आहे. शरद पवार यांच्यानंतर राष्ट्रवादीचा नवा अध्यक्ष कोण असणार यावर चर्चा सुरू असतानाच आता पक्षाच्या वतीनं मोठा निर्णय घेतला जाण्याची शक्यता आहे. वरिष्ठ सुत्रांकडून मिळत असलेल्या माहितीनुसार राष्ट्रवादीच्या अध्यक्षपदाची निवड लांबणीवर पडण्याची शक्यता आहे. तुर्तास तरी पक्षाच्या राष्ट्रीय अध्यक्षाची निवड होणार नसल्याची माहिती समोर येत आहे.
सुत्रांकडून मिळत असलेल्या माहितीप्रमाणे राष्ट्रीय अध्यक्षाचं पद रिक्त ठेवून कार्याध्यक्षाचं पद निर्माण केलं जाणार आहे. याबाबत पक्षातील वरिष्ठ नेते आग्रही असल्याची माहिती समोर येत आहे. पवार कुटुंबातीलच व्यक्ती कार्याध्यक्ष म्हणून निवडला जावा यावर देखील पक्षातील वरिष्ठ नेते ठाम असल्याची माहिती समोर येत आहे. कार्याध्यक्ष म्हणून सुप्रिया सुळे यांच्या नावाला सर्वाधिक पसंती असल्याची माहितीये. याबाबत पक्षातील वरिष्ठ नेत्यांनी शरद पवारांसोबत चर्चा केल्याची माहिती सूत्रांनी दिली.
राष्ट्रवादीचा पुढचा अध्यक्ष कोण? ‘ही’ चार नाव आघाडीवर; समितीच्या बैठकीत होणार निर्णयदरम्यान दुसरीकडे राज्याची धुरा अजित पवार यांच्या हाती सोपवण्यात येण्याची शक्यता आहे. याबाबत राष्ट्रवादीच्या नेत्यांमध्ये प्राथमिक पातळीवर चर्चा झाल्याची माहिती समोर येत आहे. तर दुसरीकडे वरीष्ठ नेत्यांची राष्ट्रीय पातळीवरील कोअर कमिटी करुन त्यात अजित पवारांसह अनेक वरीष्ठ नेत्यांचा समावेश करण्यावर ही प्राथमिक चर्चा झाली आहे.