मुंबई, 19 फेब्रुवारी: जगातील सर्वांत महाग मसाल्याचा पदार्थ (Expensive Masala) म्हणून केशर (kesar) प्रसिद्ध आहे. त्याचे सेवन आरोग्यासाठी खूप चांगले आहे. बहुतेक लोक दुधात केशर मिसळून पितात. कुंकुम (Kumkum) नावाने सुद्धा ते ओळखले जाते. लाल रंगाच्या केशराचा रंग पाण्यात घातल्यावर पिवळा होतो. याची चव किंचित कडू आणि उग्र असते. याला एक प्रकारचा सुगंध असतो. हे कोरडं आणि उष्ण असतं. केशर वात, कफ आणि पित्त यांचा नाश करणारे मानले जाते. जगभरात काश्मिरी केशर (Kashmiri kesar) सर्वात उत्तम मानले जाते. याशिवाय इराण, बलाख-बुखारा या देशांमध्येही दर्जेदार केशराचं उत्पादन होतं. केशराचा वापर फक्त जेवणाला चविष्ट बनवण्यासाठी केला जात नाही, तर त्यामुळे आरोग्याच्या अनेक समस्यांपासून सुटका मिळते. केशर सेवन केल्याने पुरुषांची शारीरिक दुर्बलता दूर होते. हे पुरुषांच्या आरोग्यासाठी खूप फायदेशीर आहे. चला जाणून घेऊया केशर सेवन केल्याने पुरुषांचे आरोग्य कसे चांगले राहते. शारीरिक दुर्बलता दूर होण्यास मदत पुरुषांनी (Man) केशराचं नियमित सेवन केल्यास त्यांची शारीरिक दुर्बलता दूर होण्यास मदत होते. ते पुरुषांमधील मेल हॉर्मोनचं प्रमाण चांगलं ठेवतं. पुरुषांमधील इरेक्टाइल डिस्फंक्शनचा धोकाही दूर होतो. केशरात व्हिटॅमिन सी आणि सेलेनियम मोठ्या प्रमाणात असतं, त्यामुळं शुक्राणूंची गुणवत्ता वाढते. हे वाचा- फळं-भाज्या खरेदी करताना या गोष्टी ध्यानात ठेवा; नेहमी मिळेल फ्रेश, ताजा माल शीघ्रपतनाची समस्या दूर होते शीघ्रपतनाची समस्या दूर करण्यासाठी केशर फायदेशीर ठरतं. अनेक वेळा पुरुषांमध्ये मानसिक तणावामुळे टेस्टेस्टेरॉन हार्मोनची पातळी कमी होते, त्यामुळे पुरुषांच्या शरीरात शीघ्रपतनाची समस्या सुरू होते. अशा परिस्थितीत केशर सेवन केल्याने मानसिक ताण कमी होऊन शीघ्रपतनाची समस्या कमी करता येते. केशराच्या सेवनाने पुरुषांमध्ये असणारी स्वप्नदोषाची समस्याही दूर होते. स्वप्नदोष ही पुरूषांमध्ये एक अशी समस्या आहे, ज्यामध्ये झोपेत असाताना काही स्वप्न पाहून अचानक वीर्यस्खलन होतं. महिलांमध्ये मासिक पाळीच्या वेदना कमी करते केशर स्त्रियांमध्ये सेक्शुअल इंटिमसी वाढवण्यासोबतच मासिक पाळीच्या काळात आणि प्री-मेन्स्ट्रुअल सिंड्रोममुळे (PMS) होणाऱ्या वेदना दूर करण्यास उपयुक्त ठरते. चिमूटभर केशर दुधात घालून नियमितपणे घेतल्यास हा त्रास कमी होऊ शकतो. हे वाचा- Strawberry World record : जगात भारी ठरली ही स्ट्रॉबेरी; का आहे खास पाहा VIDEO सर्दी-खोकल्यावर आरामदायी सर्दी-खोकला झाल्यास केशराचा वापर करणं खूप फायदेशीर ठरू शकतं. केशर उष्ण असतं आणि यातील अँटिऑक्सिडंट्स सर्दी-खोकला बरा होण्यास मदत करतात. चेहऱ्याचा रंग उजळतो केशरामध्ये व्हिटॅमिन आणि अँटिऑक्सिडंट मोठ्या प्रमाणात असतात. चेहऱ्याच्या त्वचेसाठी ते खूप फायदेशीर असतात. त्यातील अँटिबॅक्टेरियल आणि अँटिइंफ्लेमेटरी गुणधर्म चेहऱ्यावर मुरुम येण्यापासून वाचवतात. चेहऱ्यावरील डागही कमी होतात. याकरता केशर पाण्यात भिजवून त्यात दोन चमचे हळद घाला आणि त्याची पेस्ट बनवा. ही पेस्ट चेहऱ्यावर लावा. हे वाचा- वायू प्रदूषणामुळे होतोय Sperm Quality वर परिणाम; संशोधकांचा मोठा दावा स्मरणशक्ती वाढवतं केशराचं नियमित सेवन केल्याने स्मरणशक्ती वाढते. केशर वृद्ध व्यक्तीच्या मेंदूत अ‍ॅमायलोइड बीटा हा घटक तयार होण्यास प्रतिबंध करून अल्झायमर आणि विस्मरण होण्यापासून वाचवते. मुलांचा मेंदू अधिक कार्यक्षम ठेवण्यासाठी केशर घातलेलं दूध उपयुक्त ठरतं. दम्यावर लाभदायक केशरातील अँटिइंफ्लेमेटरी गुणधर्म फुफ्फुसावरील सूज, जळजळ कमी करण्यात मदत करतात. त्यामुळे दम्याचा झटका येण्याची शक्यताही कमी होते. असं गुणकारी केशर नेहमी सेवन केल्यास नक्कीच फायदा होईल.