खुशखबर! 10 पास असणाऱ्यांना BMC मध्ये नोकरीची संधी, 60 हजारांपर्यंत मिळेल सॅलरी

मुंबई, 10 एप्रिल: राज्यावर कोरोना विषाणूचं (Covid-19) मोठं संकट आलं आहे. कोरोनाबाधित रुग्णांची संख्या दिवसागणिक वाढत आहे. राज्यात कोरोनाबाधितांची संख्या 1300 वर पोहोचली आहे. त्यात रुग्णांची सर्वाधिक संख्या मुंबईत आहे. Covid-19चा सामना करताना मुंबई महापालिकेला मनुष्यबळ कमी पडताना दिसत आहे.  या रोगाचा सामना करण्यासाठी महापालिकेने नोकर भरतीची जाहिरात काढली आहे. हेही वाचा.. ‘लॉकडाऊनमध्ये गरीबाच्या पोटाला नाही घास, मात्र श्रीमंतांना सहलीला मिळतोय पास’ राज्यात कोरोना विषाणूचा प्रादुर्भाव वाढल्यामुळे आरोग्य विभागाने Covid-19 चा सामना करण्यासाठी 114 जागा भरण्याचा निर्णय घेतला आहे. ‘कक्ष परिचर’ या पदासाठी मुंबईतल्या विशेष रुग्णालयात 114 पदे भरण्यासाठी महापालिकेकडून ही जाहिरात काढण्यात आली आहे. या पदासाठीचा 18 हजार ते 59 हजार इतका पगार निर्धारित करण्यात आला आहे. कार्यकारी आरोग्य अधिकारी यांना या भरतीचे सर्व अधिकार देण्यात आले आहेत. शैक्षणिक पात्रता दहावी पास असून अर्ज करण्याची अंतिम तारीख 17 एप्रिल आहे. म्हणजेच केवळ सात दिवसांच्या कालावधीत 114 पदे भरली जाणार आहे. हेही वाचा.. Coronavirus : न्यूयॉर्कमध्ये लागली मृतदेहांची रांग, एकत्रच दफन केले जात आहेत शव ही आहे जाहिरात..

****धक्कादायक: राज्यात एका तासाला एक कोरोनाबाधिताचा मृत्यू दरम्यान, राज्यात कोरोना विषाणूचा कहर दिवसेंदिवस वाढतच आहे. राज्यात गेल्या 24 तासांत 25 कोरोनाबाधितांचा मृत्यू झाला आहे. तसेच 229 नवे रुग्ण आढळले आहेत. राज्यात कोरोनाबाधित रुग्णांची संख्या सातत्यानं वाढत असून ती आता 1364 वर पोहोचली आहे. राज्याच्या सार्वजनिक आरोग्य विभागाने दिलेल्या प्रसिध्दी पत्रकानुसार, राज्यात गेल्या 24 तासांत 25 कोरोनाबाधित रुग्णांचा मृत्यू झाला आहे. मृतांमध्ये 15 महिला तर 10 पुरुषांचा समावेश आहे. पुण्यातील 14, मुंबईत 9 तर मालेगाव आणि रत्नागिरीत प्रत्येकी एक मृत्यू झाला आहे. कोरोनामुळे राज्यात एकूण मृतांचा आकडा आता 97 वर पोहोचला आहे. हेही वाचा… ‘आईने मृत्यूआधी किराणा भरला होता, तो संपलाय…’ विकलांग भावाबहिणीची मदतीसाठी हाक प्रयोगशाळेत आजपर्यंत पाठवण्यात आलेल्या 30766 नमुन्यांपैकी 28865 जणांचे नमुने निगेटिव्ह आले आहेत तर 1364 जण पॉझिटिव्ह असल्याचे स्पष्ट झालं आहे. आतापर्यंत 125 कोरोनाबाधित रुग्ण पूर्णपणे बरे झाले आहेत त्यांना रुग्णालयातून घरी सोडण्यात आले आहे. संपादन- संदीप पारोळेकर

• Follow us on