)
मुंबई, 12 जानेवारी : बुधवारी वंचित बहुजन आघाडीचे नेते प्रकाश आंबेडकर यांनी मुख्यमंत्री एकनाथ शिंदे यांची भेट घेतली. या भेटीदरम्यान दोघांमध्ये तब्बल अडिच तास बंद दाराआड चर्चा झाली. या भेटीनंतर राजकीय वर्तृळात चर्चेला उधाण आलं. अखेर आज पत्रकार परिषद घेऊन प्रकाश आंबेडकर यांनी आपली भूमिका स्षट केली आहे. प्रत्येक भेट ही राजकीय नसते, मी इंदू मिलमधील स्मारकासंदर्भात मुख्यमंत्री एकनाथ शिंदे यांची भेट घेतली असं प्रकाश आंबेडकर यांनी म्हटलं आहे. तसंच यावेळी बोलताना काँग्रेस राष्ट्रवादीने आमचा खिमा केला, जर आम्ही भाजपसोबत गेलो असतो तर आम्ही त्यांचा खिमा केला असता, असंही प्रकाश आंबेडकर यांनी म्हटलं आहे. उद्धव ठाकरेंनी भूमिका स्पष्ट करावी दरम्यान यावेळी बोलताना प्रकाश आंबेडकर यांनी म्हटलं की, आम्ही ठाकरे गटासोबत युती करण्यास तयार आहोत. मात्र त्यांनी भूमिका स्पष्ट करावी. उद्धव ठाकरे यांनी निवडणुका एकत्र लढवण्याबाबत घोषणा करावी. आम्ही सध्या भाजपसोबत युती करणार नाहीत. भाजपसोबत असलेल्या पक्षाला पाठिंबा देखील देणार नाहीत. मात्र शिंदे गटाने जर भाजपसोबत युती तोडली तर त्यांना पाठिंबा देण्याचा विचार करू असं प्रकाश आंबेडकर यांनी म्हटलं आहे. हेही वाचा : …तर शिंदे गटाला पाठिंबा देणार, प्रकाश आंबेडकरांनी ठेवली ‘ही’ अट भेटीनंतर तर्क-वितर्कांना उधाण बुधवारी प्रकाश आंबेडकर यांनी मुख्यमंत्री एकनाथ शिंदे यांची भेट घेतली या भेटीनंतर तर्क वितर्कांना उधाण आलं होतं शेवटी आज पत्रकार परिषद घेऊन प्रकाश आंबेडकर यांनी आपली भूमिका स्पष्ट केली. आपन भाजपला पाठिंबा देणार नसून, ठाकरे गटासोबत युतीसाठी तयार आहोत. मात्र आता त्यांनी आपली भूमिका स्पष्ट करावी असं प्रकाश आंबेडकर यांनी म्हटलं आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
