Career Tips: ग्रॅज्युएशननंतर नक्की कसा मिळवावा गर्व्हमेंट जॉब? कोणत्या क्षेत्रात कोणत्या जागा? इथे मिळेल माहिती

मुंबई, 01 एप्रिल: सरकारी नोकरी मिळवण्याचं अनेक तरुणांचं स्वप्न असतं. मात्र त्यासाठी योग्य वयात योग्य मार्गदर्शन मिळालं नाही, तर हे स्वप्न अपूर्ण राहतं. सरकारी नोकरीसाठी वयोमर्यादा व शिक्षणाची पात्रता विचारात घ्यावी लागते. तसंच काही परीक्षाही द्याव्या लागतात. ‘टाइम्स ऑफ इंडिया’नं त्याबाबत वृत्त दिलं आहे.

सरकारी नोकरी मिळवण्यासाठी वयाची किमान 21 वर्षं पूर्ण झालेली असली पाहिजेत. तसंच परीक्षेसाठी पात्र होण्यासाठी उमेदवारानं डिप्लोमा पूर्ण केला पाहिजे. प्रशासकीय सेवा परीक्षांसाठी उमेदवारांचं वय 21 ते 26 इतकं असलं पाहिजे.

सरकारी नोकरीसाठी ज्या परीक्षा घेतल्या जातात, त्यात पहिल्या 4 ते 5 प्रयत्नांमध्ये उमेदवारांनी उत्तीर्ण होणं गरजेचं असतं. या परीक्षा देण्यासाठी केवळ काही उमेदवारांनाच 32 वर्षांची कमाल वयोमर्यादा असते. त्यामुळे परीक्षेचा उत्तम अभ्यास केल्यास जवळपास सर्व उमेदवार पहिल्या 3-4 प्रयत्नांत परीक्षा उत्तीर्ण होऊ शकतात.

IAS Tips: UPSC क्रॅक करण्यासाठी नक्की किती वेळ अभ्यास करावा? खुद्द IAS विकास दिव्यकीर्ती यांनी दिल्या टिप्स

या स्पर्धा परीक्षा असल्यामुळे सरकारी परीक्षांसाठी उमेदवारांनी आधीपासूनच अभ्यास सुरू केला पाहिजे. म्हणजे त्यात चांगले गुण मिळवणं शक्य होईल. अनेक सरकारी संस्थांमध्ये रोजगाराच्या संधी उपलब्ध आहेत. या नोकरीत स्थैर्य आणि रोजगार सुरक्षिततेची हमी असल्यामुळे या नोकरीला उमेदवार अधिक पसंती देतात. पदवी प्राप्त केल्यानंतर उमेदवारांना बँका, रेल्वे, शिक्षण आणि प्रशासकीय संस्थांमध्ये नोकरी मिळू शकते.

यूपीएससी (IAS) – भारतीय प्रशासकीय सेवा ही परीक्षा सर्वांत कठीण असते. यात केवळ उत्तीर्ण होणं महत्त्वाचं नसतं, तर रँकनुसार प्रशासकीय सेवांमध्ये काम करण्याची संधी मिळते.

बँकेची परीक्षा – फायनान्स आणि अकाउंट्समध्ये शिक्षण घेतलेले उमेदवार बँकांच्या परीक्षा देऊन त्या क्षेत्रात नोकरी मिळवू शकतात.

यूपीएससी (IES) – इंडियन इंजिनीअरिंग सर्व्हिसेस. कॉलेजच्या शेवटच्या वर्षापासूनच या परीक्षेची तयारी उमेदवारांना करावी लागते. लवकर अभ्यासाला सुरुवात केली, तर चांगल्या गुणांनी उत्तीर्ण होऊ शकता.

सरकारी नोकरीची सर्वात मोठी सुवर्णसंधी; पॉवर ग्रिड कॉर्पोरेशनमध्ये 'या' पदांसाठी बंपर ओपनिंग्स

रेल्वे परीक्षा – चांगल्या नोकरीची हमी हवी असेल, तर रेल्वे परीक्षा हा उत्तम पर्याय आहे.

डिफेन्स अँड आर्म्ड फोर्सेस परीक्षा – या परीक्षांमध्ये उत्तीर्ण झालेल्या उमेदवारांना सरकारच्या डिफेन्स आणि मिलिटरी संस्थांमध्ये नोकरीची संधी मिळते.

एसएससी परीक्षा – SSC अर्थात स्टाफ सिलेक्शन कमिशनद्वारे पदवीस्तरीय परीक्षा घेतली जाते. सरकारी विभाग, मंत्रालय आणि सरकारी क्षेत्रातील कंपन्यांमध्ये यात नोकरीच्या संधी उपलब्ध होतात.

इतर परीक्षा – प्रत्येक राज्याकडून प्रशासकीय सेवांसाठीच्या परीक्षा घेतल्या जातात. तसंच ग्रॅज्युएट अ‍ॅप्टिट्युड टेस्ट इंजिनीअरिंग, एलआयसी एएओ परीक्षा या परीक्षाही उमेदवारांना देता येऊ शकतात.

आर्मी, नेव्ही आणि एअर फोर्समध्ये तब्बल 1.5 लाख पदं रिक्त; कधी होणार भरती? इथे वाचा अपडेट

या परीक्षा उत्तीर्ण झाल्यावर उपलब्ध नोकरीच्या संधी

यूपीएससी (आयएएस) परीक्षा

- इंडियन अ‍ॅडमिनिस्ट्रेटिव्ह सर्व्हिस (ऑल इंडिया सर्व्हिसेस)

- इंडियन डिफेन्स अकाउंट सर्व्हिस

- इंडियन पोलीस सर्व्हिस

- इंडियन फॉरेन सर्व्हिस

- इंडियन पोस्टल सर्व्हिस

- इंडियन रेल्वे पर्सोनेल सर्व्हिस

- इंडियन रेल्वे ट्रॅफिक सर्व्हिस

- इंडियन रेल्वे अकाउंट सर्व्हिस

- इंडियन ऑडिट अँड अकाउंट सर्व्हिस

- इंडियन रेव्हेन्यू सर्व्हिस

- इंडियन ऑर्डिनन्स फॅक्टरीज सर्व्हिस

- इंडियन रेव्हेन्यू सर्व्हिस (कस्टम अँड सेंट्रल एक्साईज)

- इंडियन सिव्हिल अकाउंट सर्व्हिस

- असिस्टंट सिक्युरिटी कमिशनर इन रेल्वे प्रोटेक्शन फोर्स

- AFHCS (आर्म्ड फोर्सेस हेडक्वार्टर्स सिव्हिल सर्व्हिसेस)

- दिल्ली, अंदमान आणि निकोबार आइसलँड सिव्हिल सर्व्हिसेस

- दिल्ली, अंदमान आणि निकोबार आइसलँड पोलीस सर्व्हिसेस

- PCS (पाँडिचेरी सिव्हिल सर्व्हिसेस)

- PPS (पाँडिचेरी पोलीस सर्व्हिसेस)

SCI Recruitment: सुप्रीम कोर्टात तब्बल 1,23,100 रुपये पगाराची नोकरी; चान्स सोडूच नका; अवघे काही दिवस शिल्लक

2.यूपीएससी (आयईएस) परीक्षा

- सेंट्रल पॉवर इंजिनिअरिंग सर्व्हिसेस

- इंडियन टेलिकम्युनिकेश सर्व्हिस

- इंडियन सप्लाय सर्व्हिस

- डिफेन्स सर्व्हिस इंजिनीअरिंग कॉर्प्स

- सेंट्रल इलेक्ट्रिकल अँड मेकॅनिकल सर्व्हिस

- इंडियन आर्मी इंजिनिअरिंग सर्व्हिस

- सेंट्रल इंजिनीअरिंग सर्व्हिस फॉर रोड्स

- इंडियन नेव्ही आर्मामेंट्स सर्व्हिस

- बॉर्डर रोड्स इंजिनीअरिंग सर्हिस

- इंडियन रेल्वे सर्व्हिस

- इंडियन ऑर्डिनन्स फॅक्टरी

- सेंट्रल वॉटर इंजिनीअरिंग

- जिओलॉजिकल सर्व्हे ऑफ इंडिया

अशी हवी कंपनी! 'या' कंपनीत चेहरा बघून नव्हे तर टॅलेंट बघून मिळतो जॉब; मुलाखतीला मास्क लावणं असतं बंधनकारक

3. बँक परीक्षा

- आरबीआय ग्रेड ए अँड ग्रेड बी परीक्षा

- एसबीआय पीओ परीक्षा (प्रोबेशनरी ऑफिसर)

- एसबीआय क्लार्क परीक्षा

- आयबीपीएस पीओ परीक्षा (प्रोबेशनरी ऑफिसर)

- आयबीपीएस एसओ परीक्षा

AIC Recruitment 2023: महिन्याचा तब्बल 60,000 रुपये पगार; इथे होतेय तब्बल 40 जागांसाठी भरती

4. रेल्वे परीक्षा

- RRB ALP परीक्षा (असिस्टंट लोको पायलट)

- RRB NTPC परीक्षा (नॉन टेक्निकल पॉप्युलर कॅटेगरीज)

- RRB JE परीक्षा (ज्युनिअर इंजिनीअर)

- RRB MI परीक्षा (मिनिस्टेरिअल अँड आयसोलेटेड कॅटेगरीज)

- RRB पॅरामेडिकल परीक्षा

8वी पासना सरकारी नोकरीची सर्वात मोठी संधी; गव्हर्नमेंट प्रेसमध्ये 'या' पदांसाठी ओपनिंग्स; करा अप्लाय

5. डिफेन्स

- यूपीएससी सीडीएस (कम्बाइन्ड डिफेन्स सर्व्हिसेस) परीक्षा

- इंडियन कोस्ट गार्ड (पोस्ट असिस्टंट कमांडंट)

- डायरेक्ट टेक्निकल एन्ट्री इन इंडियन आर्म्ड फोर्सेस (For BE/B.Tech Graduates)

- एनसीसी स्पेशल एन्ट्री इन इंडियन आर्म्ड फोर्सेस

- AFCAT (एअरफोर्स कॉमन अप्टिट्युड टेस्ट)

- INET (इंडियन नेव्ही एन्ट्रन्स टेस्ट)

- CAPF (सेंट्रल आर्म्ड पोलीस फोर्सेस) परीक्षा (Post – CAPF Assistant Commandant)

- JAG (जज अडव्होकेट जनरल) परीक्षा

- टेरिटोरिअल आर्मी परीक्षा (ऑफिसर एन्ट्री)

6. एसएससी परीक्षा

- एसएससी कम्बाइन्ड ग्रॅज्युएट लेव्हल परीक्षा (SSC CGL)

- SSC CPO परीक्षा

- SSC JE परीक्षा

- SSC SHSL परीक्षा

उमेदवारांना सरकारी नोकरी हवी असल्यास पदवी शिक्षण घेत असतानाच परीक्षांची तयारी करण्याची आवश्यकता असते. या परीक्षा कठीण असून, त्यात चांगल्या गुणांनी उत्तीर्ण झाल्यास उत्तम संधी मिळू शकते.