जाहिरातीवर भाजपची पहिली प्रतिक्रिया
नागपूर, 14 जून : मुख्यमंत्री एकनाथ शिंदे यांच्याबद्दलच्या लोकप्रियतेच्या सर्व्हेची जाहिरात मंगळवारी वेगवेगळ्या वृत्तपत्रांमध्ये प्रसिद्ध करण्यात आली होती. या जाहिरातीवरून आता भाजपनं नाराजी व्यक्त केली आहे. शिंदे, फडणवीस यांची तुलना अंचबित करणारी आहे. मनं दुखावणार नाही याची काळजी घ्यावी, अशा शब्दात भाजपचे प्रदेशाध्यक्ष चंद्रशेखर बावनकुळे यांनी सुनावलं आहे. विशेष म्हणजे आज पुन्हा एकदा वृत्तपत्रांमध्ये सुधारीत जाहिरात छापण्यात आली आहे. नेमकं काय म्हटलं बावनकुळे यांनी? मंगळवारी छापण्यात आलेल्या जाहिरातीवरून चंद्रशेखर बावनकुळे यांनी नाराजी व्यक्त केली आहे. मनं दुखावणार नाहीत याची काळजी घ्यावी, शिंदे, फडणवीस यांची तुलना अंचबित करणारी आहे. माझी शिंदे आणि फडणवीसांसोबत यावर चर्चा झाली. कालच्या जाहिरातीबाबत खोडसाळपणा करण्यात आला. आजची जाहिरात म्हणजे हा खोडसाळपणा दुरुस्त करण्याचा प्रयत्न आहे. यामुळे कार्यकर्ते नाराज झाल्याचं बावनकुळे यांनी म्हटलं आहे. थोडे मतभेद झाले मात्र मनभेद नसल्याचंही त्यांनी म्हटलं आहे.
24 तासांत जाहिरात बदलावी लागली कारण… सुप्रिया सुळेंचा शिंदेंना खोचक टोलाविरोधकांचा निशाणा दरम्यान कालच्या जाहिरातीवरून विरोधकांनी देखील शिवसेनेवर निशाणा साधला आहे. राष्ट्रवादीच्या नेत्या सुप्रिया सुळे यांनी जोरदार हल्लाबोल केला आहे. 42 टक्के लोक यांच्या बाजूने आहे, याचा अर्थ जास्त लोक विरोधात आहेत, आज जाहिरात बदलावी लागली कारण त्यामागे दिल्लीचा अदृश्य हात आहे. 24 तासांत जाहिरात बदलावी लागली असा खोचक टोला सुप्रिया सुळे यांनी लगावला आहे. दरम्यान त्यांनी यावेळी बोलताना फडणवीसांना देखील टोला लगावला. देवेंद्र फडणवीस यांचा अपमान झाला आहे, आमचे विरोधक असले तरी शिंदे गटानं त्यांचा अपमान केला आहे. मी याबाबत देवेंद्र फडणवीस यांच्यासोबत असल्याचं सुप्रिया सुळे यांनी म्हटलं आहे.