फोटो सौजन्य - युट्यूब व्हिडीओ स्क्रिनशॉट.
मुंबई, 13 मे : गरमागरम पुऱ्या खायला कुणाला आवडत नाही. पण पुऱ्या म्हटलं की त्याला तेल आलंच. पुऱ्यांना तळण्यासाठी तेल फार लागतं. तळल्यावरही त्यावर तेल असतं. त्यामुळे तेलकट म्हणून अनेक जण पुऱ्या खाणं टाळतात. काहींना असे आजार असतात की त्यांना जास्त तेलकट न खाण्याचा सल्ला दिला जातो. अशावेळी ते पुऱ्या खाऊ शकत नाही. पण आता बिलकुल टेन्शन नाही कारण तेल न वापरता तुम्ही पाण्यातही पुरी तळू शकता. तेलाचा वापर न करता पाण्यात पुऱ्या कशा बनवायच्या याचे काही व्हिडीओ सोशल मीडियावर आहेत. असाच एक व्हिडीओ आम्ही तुमच्यासाठी घेऊन आलो आहेत. एका शेफन तेलाशिवाय पुऱ्या कशा बनवायच्या हे दाखवलं आहे. चला तर मग थोडाही उशीर न करता आता या पाण्यात पुऱ्या बनवायच्या कशा ते पाहुयात.
पुऱ्यांसाठी साहित्य. गव्हाचं पीठ मीठ ओवा दही पाणी पाण्यातल्या पुऱ्यांची कृती सर्वात आधी एका भांड्यात गव्हाचं मीठ घ्या. त्यात चवीनुसार मीठ टाका. थोडासा ओवा टाका. आता त्यात एक चमचाभर दही टाका. आपण या पुऱ्यात एक थेंबही तेल वापरणार नाही. त्यामुळे पीठ मळताना तेलाऐवजी दह्याचा वापर करा. जेणेकरून पुऱ्या नरम होतील. पीठ मळून त्याचे छोटे छोटे गोळे तयार करा आणि पुऱ्या लाटून घ्या. उसळ भाजीसोबत एकदम फुगलेली पुरी! 70 वर्षांहून अधिककाळ जपलीय परंपरा, Video आता गॅसवर एका कढईत पाणी गरम करायला ठेवा. पाणी बुडबुडे येईपर्यंत उकळून घ्या. या उकळत्या पाण्यात पुरी टाका. जशा तेलात पुरी तळतो तशा पाण्यात तळून घ्या. दोन्ही बाजूने नीट शेकवून घ्या. पुऱ्या थोड्या प्रमाणात फुलतात आणि काही वेळाने पाण्यावर तरंगू लागतात. त्यावेळी या पुऱ्या बाहेर काढा. तुम्ही नीट पाहिलं तर पुऱ्यांचा रंग तेलात तळल्यावर बदलतो तसा बदलेला नाही. त्यामुळे या पुऱ्या तुम्ही आता खाऊ शकत नाही. आता तुम्हाला लागणार ते एअर फ्रायर. पाण्यात तळलेल्या या पुऱ्या एअर फ्रायमध्ये टाका. तुम्ही आता पाहाल तर पुऱ्या तेलात तळतो तशा फुलल्या आहेत. त्यावर तेल बिलकुल नाही. आता तुम्ही या पुऱ्या खाऊ शकता. केसांना डाय लावल्यानंतर टूथपेस्टही नक्की लावा; नाहीतर काय परिणाम होईल पाहा VIDEO अजर रेसिपीज या युट्यूब चॅनेलवर पाण्यात तळलेल्या या पुऱ्यांची रेसिपी दाखवण्यात आली आहे.
ही रेसिपी परफेक्ट होईलच याची हमी न्यूज 18 लोकमत देत नाही. पण तुम्ही ही रेसिपी एकदा नक्की ट्राय करून पाहा आणि कशी झाली ते आम्हाला आमच्या सोशल मीडियाच्या कमेंट बॉक्समध्ये नक्की सांगा.