कोंबड्याचा शाही थाट! पाहुण्यांच्या उपस्थितीत कापला केक; अनोख्या वाढदिवासाचा VIDEO

नवी दिल्ली 04 जानेवारी : सोशल मीडियावर (Social Media) कधी काय व्हायरल होईल, हे सांगता येत नाही. अनेकदा हे व्हिडिओ इतके मजेशीर किंवा अनोखे असतात की अपलोड होताच ते प्रचंड व्हायरल होतात. सध्या एका कोंबड्याचा असाच एक व्हिडिओ सोशल मीडियावर चांगलाच व्हायरल (Viral Video of Chicken) होत आहे. यात अगदी खास पद्धतीने कोंबड्याचा वाढदिवस साजरा (Birthday Celebration of Chicken) झाल्याचं पाहायला मिळतं. या व्हिडिओवर जबरदस्त मीम्सही बनत आहेत. यात दिसतं की कोंबड्यासाठी अतिशय सुंदर असा केकही मागवण्यात आला आहे. तसंच पाहुण्यांनाही आमंत्रण देण्यात आलं आहे. तिच्यासाठी कायपण! GF साठी BF ने असं काही केलं की पाहणारा प्रत्येक जण थक्क झाला इन्स्टाग्रामच्या एका पेजवर अपलोड केलेल्या या व्हिडिओमध्ये दिसतं की कोंबड्याला मांडीवर घेऊन त्याचा वाढदिवस साजरा केला जात आहे. त्याचा वाढदिवस साजरा करण्यासाठी कुटुंबातील सर्व लोक एकत्र आले आहेत. सर्वच लोक हा अनोखा वाढदिवस साजरा करण्यासाठी उत्सुक असल्याचं दिसतं.

View this post on Instagram

A post shared by MEMES.BKS (@memes.bks)

व्हिडिओमध्ये पुढे दिसतं की कोंबड्यानेही अगदी थाटात आपल्या पंजामध्ये चाकू पकडून केक कापला. इतकंच नाही तर हा केक कोंबड्यालाही खायला देण्यात आला. केक कापल्यानंतर उपस्थित सर्वांनीच कोंबड्याला वाढदिवसाच्या शुभेच्छा दिल्या. अनोख्या वाढदिवसाचा हा व्हिडिओ अवघ्या 57 सेकंदाचा आहे. हैराण करणारी घटना कॅमेऱ्यात कैद; थोडक्यात बचावली महिला, पाहा अपघाताचा VIDEO हा व्हिडिओ सोशल मीडियावर अपलोड होताच चांगलाच व्हायरल झाला आहे. बातमी देईपर्यंत या व्हिडिओला हजारे व्ह्यूज मिळाले आहेत. तर अनेकांनी या व्हिडिओवर निरनिराळ्या कमेंटही केल्या आहेत. एका यूजरने व्हिडिओवर कमेंट करत लिहिलं, मी याआधी कधीही कोंबड्याला केक कापताना पाहिलं नाही. तर दुसऱ्या यूजरने लिहिलं, कोंबड्याला मारण्याआधी भरपूर खायला-प्यायला दिलं जातं. याशिवायही अनेकांनी या व्हिडिओवर निरनिराळ्या कमेंट केल्या आहेत.