हैराण करणारी घटना कॅमेऱ्यात कैद; थोडक्यात बचावली महिला, पाहा अपघाताचा VIDEO

नवी दिल्ली, 3 जानेवारी : रस्ते अपघाताचे (Road Accident) अनेक व्हिडीओ (Shocking Video) तुम्ही आतापर्यंत पाहिले असतील. अपघाताचे व्हिडीओ हे अंगावर काटा आणणारे असतात. असाच एक व्हिडीओ समोर आला आहे. हा अपघात सीसीटीव्हीमध्ये कैद झाला आहे. ही घटना जम्मूमधील असल्याचं सांगितलं जात आहे. व्हिडीओमध्ये तुम्ही पाहू शकता की, एक महिला रस्त्यावरुन चालत आहे. तिच्यामागून एक पिकअप कार येत आहे. कारचालकाचं नियंत्रण सुटल्यामुळे पिकअप कार तिच्या मागे उभ्या असलेल्या कारला धडक देते. यामुळे कार पुढे जात महिलेच्या अंगावर आदळते. यात महिला जखमी झाली आहे. सुदैवाने महिला अपघातानंतर सुखरुप आहे. यावेळी विजेचा खांबदेखील महिलेच्या अंगावर पडला. हा अपघाताचा व्हिडीओ एका दुकानाच्या सीसीटीव्हीमध्ये कैद झाला आहे. इतक्या भयंकर अपघातातून महिला सुदैवाने बचावली आहे.