तुम्ही काय मला मुर्ख समजता का? अजित पवार 'त्या' प्रश्नावर भडकले, VIDEO

पिंपरी चिंचवड, 07 फेब्रुवारी : तुम्ही काय मला मुर्ख समजता का? आयात होईल का, फलानं होईल का? मला जे नाव सांगायचे आहे, ते आम्ही उद्याकडे सांगणार आहोत, असं म्हणत विरोधी पक्षनेते अजित पवार यांनी पत्रकारांवर चांगलेच भडकले.

चिंचवड विधानसभा महाविकास आघाडीचा उमेदवार लढविणार आणि घडयाळ चिन्हावरच लढवणार असं ठामपणे सांगणाऱ्या अजित पवार पत्रकारांच्या प्रश्नांवर चांगलेच भडकले.

...आणि अजित पवार पत्रकारांच्या प्रश्नावर भडकले pic.twitter.com/MswIEX3cuz

— News18Lokmat (@News18lokmat) February 7, 2023

राष्ट्रवादी आपला उमेदवार उतरवणार मात्र तो आयात असेल का असा प्रश्न पत्रकारांनी उपस्थित केला होता. पण, अजित पवार हे पत्रकारांवरच भडकले.

'तुम्ही काय मला मुर्ख समजता का? आयात होईल का, फलानं होईल का? मला जे नाव सांगायचे आहे, ते आम्ही उद्याकडे सांगणार आहोत, असं उत्तर देऊन अजित पवार यांनी पुढे बोलण्याचं टाळलं.

(भाजपच्या आवाहनानंतर अजितदादा पोटनिवडणुकीवर ठाम, चिंचवडचे उमेदवार मात्र गॅसवर!)

पण, हा प्रश्न विचारण्यामागचा कारण म्हणजे राष्ट्रवादीने अद्यापही त्यांचा उमेदवार जाहीर केला नव्हता आणि त्यामुळे ठाकरे गटाचे पदाधिकारी राहुल कलाटे यांचं नाव महाविकास आघाडीतर्फे चर्चेत होतं. त्यानुसार राहुल कलाटे यांनाच राष्ट्रवादीमध्ये प्रवेश देऊन निवडणूक लढवण्या शिवाय राष्ट्रवादीकडे पर्याय नसल्याने आयात उमेदवारा मार्फत ही निवडणूक लढवली जाणार का असा पत्रकारांच्या प्रश्नाचा रोख होता. मात्र या प्रश्नावर अजित दादा भलतेच चिडले आणि आपल्या खास शैलीत उत्तर देत त्यांनी प्रश्नाला बगल दिली.

(कसबा पोटनिवडणुकीत नवा ट्विस्ट, बावनकुळेंची महाविकासआघाडीला वेगळीच ऑफर!)

दरम्यान, मंगळवारी अर्ज दाखल करत असतानाच उमेदवाराची घोषणा होईल, असं अजित पवार यांनी सांगितलं. तसंच ही निवडणूक बिनविरोध करण्यासाठी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आपल्याला संपर्क केला, तसंच चंद्रशेखर बावनकुळे यांनीही आपल्याला संपर्क साधण्याचा प्रयत्न केला, पण संपर्क होऊ शकला नाही, असं अजित पवार यांनी सांगितलं.

अंधेरी पूर्वची पोटनिवडणूक बिनविरोध झाली असली तरी पंढरपूर, कोल्हापूर आणि देगलूरची पोटनिवडणूक बिनविरोध झाली नाही, याची आठवण अजित पवार यांनी करून दिली. चिंचवडची पोटनिवडणूक घड्याळाच्या चिन्हावर लढवली जाईल, डांगे चौकातल्या छत्रपती शिवाजी महाराजांच्या पुतळ्याला अभिवादन करून राष्ट्रवादीचा उमेदवार अर्ज दाखल करेल, असं अजित पवार यांनी सांगितलं.