)
मुंबई, 24 जून : शिवसेना ठाकरे गटाचे प्रमुख उद्धव ठाकरे आणि उपमुख्यमंत्री देवेंद्र फडणवीस यांच्यामध्ये चांगलाच कलगीतुरा रंगला आहे. ठाकरेंच्या टीकेनंतर फडणवीसांनी पुस्तक काढण्यासाठी 5 पर्याय सुचवले आहे. ठाकरे गटाच्या मेळाव्यात उद्धव ठाकरे यांनी भाजप आणि देवेंद्र फडणवीस यांच्यावर जोरदार टीकास्त्र सोडलं होतं. त्यांच्या या टीकेला फडणवीस यांनी आपल्या शैलीत जशास तसे उत्तर दिले आहे. ‘ज्या ‘व्हॉटसअ‍ॅप चॅट’ बाबत तुम्ही बोलताय, ते आरोपपत्राचे भाग आहेत. न्यायालयाच्या रेकॉर्डवर आहेत आणि जाणीवपूर्वक टाकले आहेत, कारण, लपविण्यासारखे आमच्याकडे काहीच नाही. पण, मुख्यमंत्रिपदी राहिलेल्या माणसाला इतकी ‘बालबुद्धी’ असावी, याचे मात्र आश्चर्य वाटते. त्यामुळे त्याची फार चिंता तुम्ही करु नका’ असा सणसणीत टोला फडणवीसांनी ठाकरेंना लगावला.
मी, माझे कुटुंब आणि माझा संपूर्ण भाजपा परिवार एक खुली किताब आहे उद्धव ठाकरे !
— Devendra Fadnavis (@Dev_Fadnavis) June 24, 2023
ज्या ‘व्हॉटसअ‍ॅप चॅट’ बाबत तुम्ही बोलताय, ते आरोपपत्राचे भाग आहेत. न्यायालयाच्या रेकॉर्डवर आहेत आणि जाणीवपूर्वक टाकले आहेत, कारण, लपविण्यासारखे आमच्याकडे काहीच नाही. पण, मुख्यमंत्रीपदी राहिलेल्या…
चिंता करायचीच असेल आणि पुस्तक काढायचेच असेल तर यावर काढा, सामान्य शिवसैनिकांना वार्‍यावर सोडून मुख्यमंत्रिपद, मंत्रिपद घरात कसे ठेवले यावर, मुंबईला कुणी लुटले, मृतांच्या टाळूवरील लोणी कुणी खाल्ले, मराठी माणसाला कुणी ओरबाडले ECf 100 कोटींच्या वसुलीचे टार्गेट कसे दिले जाते यावर काढा, असा सल्लावजा टोला फडणवीसांनी ठाकरेंना लगावला. (मेहबुबा मुफ्तींवरून हल्लाबोल होताच उद्धव ठाकरे आक्रमक; भरसभेत दाखवला मोदींचा ‘तो’ फोटो) ‘तुमचे हिंदूत्त्व आणि तुमचे कारनामे आता एकेक करीत जनतेत उघड होतच आहेत आणि होतच राहणार आहे. आम्ही कुणाच्या घरात घुसत नाही. पण, घुसलोच तर त्यांना तोंड दाखवायला जागा उरणार नाही तुमचे ‘नड्डे’ केव्हा सैल होतील, हे समजणार देखील नाही. (नड्डे म्हणजे घसा) तोवर तुमची हास्यजत्रा चालू द्या, बघूच आता शवासन कुणाला करावे लागते ते, असा पलटवारही फडणवीसांनी केला. काय म्हणाले होते उद्धव ठाकरे? देवेंद्रजी तुम्हाला ही परीवार आहे. त्यामुळे परिवारावर बोलू नका. तुमचे मॅसेज कसे बाहेर येत आहेत ते पहा तुमचा परिवार कुणासोबत आहे ते पहा माझा परिवार माझ्या सोबत आहे. तुम्ही बोलता ना आम्ही परिवारवादी आहेत मग ऐका जनतेचा आवाज. परिवारावर येऊ नका शिवसेना हा आमचा परीवार आहे. चौकशीच करायची असेल तर ठाणे महापालिकेची करा. संजय केळकर भाजपचा आमदार त्याला लाच घेताना रंगेहात पकडले होते. तिथे देवेंद्रजीलाच किंमत नाही तिथे संजय केळकर ची काय किंमत आहे. रतन टाटा यांनी पीएम केअर फंडला एक रक्कमी दीड हजार कोटी दिले कुठे गेले ते पैसे? कोट्यवधी रुपये जमा झाले ते गेले कुठे? असा सवाल ठाकरेंनी केला.
+6
फोटो
