Home /News /money /

50 रुपये जमा करुन मिळतील 35 लाख, Post Office च्या या योजनेबाबत जाणून घ्या

50 रुपये जमा करुन मिळतील 35 लाख, Post Office च्या या योजनेबाबत जाणून घ्या

जर तुम्ही चांगल्या आणि सरकारी गुंतवणुकीच्या पर्यायाच्या शोधात असाल, तर तुमच्यासाठी पोस्ट ऑफिसची (Post Office) एक गुंतवणुकीची स्कीम फायदेशीर ठरू शकते.

    नवी दिल्ली, 24 मे : पोस्ट ऑफिसमध्ये केलेली जाणारी गुंतवणूक सुरक्षित असते. अनेकदा गुंतवणुकीसोबत रिस्कही असते. परंतु जर तुम्ही चांगल्या आणि सरकारी गुंतवणुकीच्या पर्यायाच्या शोधात असाल, तर तुमच्यासाठी ही गुंतवणुकीची स्कीम फायदेशीर ठरू शकते. तसंच या योजनेद्वारे मोठा ंफंडही जमा करता येऊ शकतो. पोस्ट ऑफिसच्या लहान बचत योजना चांगला पर्याय ठरू शकतात. यात सुरक्षितता असून रिटर्नही चांगला मिळतो. ही गुंतवणुकीची योजना ग्राम सुरक्षा स्कीम (Gram Suraksha Scheme) आहे. यात योजनेत तुम्हाला दर महिन्याला 1500 रुपये जमा करावे लागतील. म्हणजेच दररोज 50 रुपये जमा करुन मोठा फंड जमा करता येईल. नियमितपणे ही रक्कम जमा केल्यास येणाऱ्या काळात तुम्हाला 31 ते 35 लाखापर्यंतचा फायदा मिळू शकतो.

    हे वाचा - 200 रुपयांच्या SIP द्वारे कसं आणि किती दिवसांत बनू शकता कोट्यधीश, समजून घ्या Calculation

    गुंतवणुकीसाठी काय आहेत नियम - - 19 ते 55 वयोगटातील कोणताही भारतीय नागरिक या योजनेत गुंतवणूक करू शकतो. - या योजनेत कमीत-कमी विमा रक्कम 10000 ते 10 लाख रुपयांपर्यंत असू शकते. - या योजनेत प्रीमियम मासिक, तीन महिने, सहा महिने किंवा वार्षिक असू शकतो. - प्रीमियमचं पेमेंट करण्यासाठी 30 दिवसांची सूट मिळते. - या स्कीमवर तुम्ही कर्जही घेऊ शकता. - ही स्कीम घेतल्यानंतर तुम्ही 3 वर्षांनंतर ती सरेंडरही करू शकता. पण यात कोणताही फायदा मिळत नाही.

    हे वाचा - 233 रुपयांच्या मासिक गुंतवणुकीवर मिळतील 17 लाख रुपये, टॅक्समध्ये सूट; वाचा आहे सुरक्षित योजना

    किती होईल फायदा - समजा 19 व्या वर्षी एखाद्याने या स्कीममध्ये गुंतवणूक केली आणि 10 लाख रुपयांची पॉलिसी खरेदी केली तर 55 वर्षांसाठी मासिक प्रीमियम 1515 रुपये, 58 वर्षांसाठी 1463 रुपये आणि 60 वर्षांसाठी 1411 रुपये असेल. अशात पॉलिसीधारकाला 55 वर्षांसाठी 31.60 लाख रुपये, 58 वर्षांसाठी 33.40 लाख रुपये आणि 60 वर्षांसाठी 34.60 लाख रुपये मॅच्योरिटी बेनिफिट मिळेल.
    Published by:Karishma
    First published:

    Tags: Money, Post office, Post office money, Post office saving, Savings and investments

    पुढील बातम्या