Home /News /money /

देशातील महागाई आणखी वाढणार नाही, SBI च्या रिपोर्टमध्ये दावा; रेपो दर आणखी वाढण्याची शक्यता

देशातील महागाई आणखी वाढणार नाही, SBI च्या रिपोर्टमध्ये दावा; रेपो दर आणखी वाढण्याची शक्यता

SBI च्या अहवालानुसार, असा अंदाज आहे की आरबीआय ऑगस्टमध्ये पतधोरण आढाव्यात रेपो दर वाढवू शकते. त्यामुळे जूनमध्ये महागाई 7 टक्क्यांच्या वर राहू शकते.

    मुंबई, 14 जून : गेल्या काही महिन्यांपासून भारतातील महागाई (Inflation) वेगाने वाढत आहे. असे असूनही, रिझर्व्ह बँक ऑफ इंडिया (RBI) महागाई नियंत्रणात खूप पुढे असल्याचे एसबीआयच्या अहवालात म्हटले आहे. ऑगस्ट आणि ऑक्टोबरमध्ये आरबीआय चलनविषयक धोरण पुनरावलोकन (MPC) मध्ये रेपो दर वाढवेल असा विश्वास तज्ज्ञांना आहे. या अहवालात असेही म्हटले आहे की, महागाई आता या पातळीच्या वर जाण्याची अपेक्षा नाही. SBI च्या 'इकोरॅप' अहवालानुसार, 'महागाईने सर्वकालीन उच्चांक गाठलेला दिसतोय'. एप्रिलमध्ये किरकोळ महागाई 7.79 टक्क्यांच्या जवळपास 8 वर्षांच्या उच्चांकावर पोहोचली होती. मात्र मे मध्ये ती किंचित खाली येऊन 7.04 टक्के झाली. अहवालानुसार, मुख्य (कोर) महागाई देखील एप्रिलमध्ये 6.97 टक्क्यांवरून मे महिन्यात 6.09 टक्क्यांवर आली आहे. यामध्ये 2022-23 मध्ये सरासरी महागाई दर 6.7 टक्के राहण्याचा अंदाज व्यक्त करण्यात आला आहे. आता ई-वॉलेटच्या मदतीने ATM मधून काढा पैसे, डेबिट-क्रेडिट कार्डची गरज नाही SBI चे गट मुख्य आर्थिक सल्लागार सौम्या कांती घोष म्हणाले, "आमचा विश्वास आहे की RBI महागाई नियंत्रित करण्यात खूप पुढे आहे आणि फेडरल रिझर्व्ह (यूएस सेंट्रल बँक) बँकेचे मॉडेल अमेरिकेत महागाई नियंत्रित करण्यासाठी अवलंबू शकते. महागाई नियंत्रणात आरबीआय मागे पडल्याची चर्चा सुरू होती. अमेरिकेतील महागाईचा दर मे महिन्यात 8.6 टक्क्यांच्या चार दशकांच्या उच्चांकावर पोहोचला आहे. Petrol Diesel Prices: कच्च्या तेलाच्या दरात वाढ, पेट्रोल-डिझेल खरेदीसाठी किती पैसे खर्च करावे लागणार? पॉलिसी दरात पुन्हा एकदा वाढ होणार अहवालानुसार, असा अंदाज आहे की आरबीआय ऑगस्टमध्ये पतधोरण आढाव्यात रेपो दर वाढवू शकते. त्यामुळे जूनमध्ये महागाई 7 टक्क्यांच्या वर राहू शकते. यानंतर ऑक्टोबरमध्येही रेपो दरात वाढ होऊ शकते. यामुळे पॉलिसी रेट 5.5 टक्क्यांच्या महामारीपूर्व पातळीच्या वर येऊ शकतो. त्यामुळे सध्या रेपो दर 4.90 टक्क्यांवर पोहोचला आहे. RBI ने गेल्या 1 महिन्यात रेपो दरात 2 वेळा वाढ केली आहे. या महिन्यात चलनविषयक धोरण आढाव्यात, रिझर्व्ह बँकेने चालू आर्थिक वर्षातील महागाईचा अंदाज 5.7 टक्क्यांवरून 6.7 टक्क्यांपर्यंत वाढवला आहे, जो SBI अहवालात अंदाजित दराप्रमाणेच आहे.
    Published by:Pravin Wakchoure
    First published:

    Tags: Inflation, Money, Rbi, Repo rate, SBI

    पुढील बातम्या