1 जून पासून बदलणार 5 महत्त्वाचे नियम, वाचा LPG गॅसपासून ITR फायलिंगपर्यंत काय होणार बदल

1 जून पासून बदलणार 5 महत्त्वाचे नियम, वाचा LPG गॅसपासून ITR फायलिंगपर्यंत काय होणार बदल

Rules changing from 1 June 2021: 1 जूनपासून सामान्य माणसाच्या जीवनावर परिणाम करणाऱ्या काही महत्त्वाच्या नियमात बदल होणार आहेत. यामध्ये घरगुती गॅस, सुकन्या समृद्धी योजनेसारखी छोटी बचत योजना आणि ITR फायलिंगसारख्या महत्त्वाच्या बाबींचे नियम बदलणार आहेत.

  • Share this:

नवी दिल्ली, 28 मे: 1 जूनपासून तुमच्याशी थेट निगडीत असणाऱ्या काही नियमांत (Rules Changing from 1st June 2021) बदल होणार आहे. यापैकी हे पाच नियम अत्यंत महत्वाचे आहेत, त्याचा तुमच्या जीवनावर थेट परिणाम होऊ शकतो. यामध्ये बँकिंग (Banking) संबंधित, आयटीआर (ITR Filing) संबंधित आणि एलपीजी गॅस (LPG Gas Price) संबंधित काही नियमात बदल होणार आहे. 1 जूनपासून बँक ऑफ बडोदामध्ये (Bank of Baroda) चेक पेमेंट करण्याची पद्धती बदलणार आहे. शिवाय 1 जूनपासून एलपीजी गॅसच्या किंमतीत बदल होईल, तुम्ही जर घरगुती एलपीजी गॅस घेत असाल तर तुम्हाला या नवीन किंमतीनुसार खरेदी करावी लागेल.

1. स्मॉल सेव्हिंग स्कीम्सच्या व्याजदरात बदल

PPF, NSC, KVP आणि सुकन्या समृद्धी सारख्या Small Saving Schemes या योजनांच्या व्याजदरात याच महिन्यात बदल होईल. सरकार दर तीन महिन्यांनी या योजनांसाठी नवे व्याजदर लागू केले जातात. अनेकदा जुने व्याजदर रिव्हाइज केले जातात. याआधी 31 मार्च 2021 रोजी 2020-21 या आर्थिक वर्षाच्या शेवटच्या तिमाहीअंती नवीन व्याजदर लागू करण्यात आले होते. पण ते 24 तासांच्या आतमध्ये मागे घेऊन जुनेच दर लागू करण्यात आले होते. आता 30 जूनला नवीन दर लागू होण्याची शक्यता आहे.

हे वाचा-LPG गॅस बुकिंगबाबतचे नियम बदलणार, सिलेंडर रिफिल करणं होईल अधिक सोपं

2. बँक ऑफ बडोदामध्ये पॉझिटिव्ह पे सिस्टिम

बँक ऑफ बडोदाने ग्राहकांसाठी 1 जून 2021 पासून  पॉझिटिव्ह पे कन्फर्मेशन (Positive Pay Confirmation) अनिवार्य केले आहे. ग्राहक फसवणुकीची शिकार होऊ नयेत हा यामागचा मानस आहे.  पॉझिटिव्ह पे प्रणाली एक प्रकारे फ्रॉड शोधणारं टूल आहे. या सिस्टिम अंतर्गत ग्राहकांने चेक जारी केल्यानंतर बँकेला संपूर्ण माहिती देणे आवश्यक आहे. चेक पेमेंट करण्याआधी बँक ही माहिती क्रॉस चेक करेल. जर यामध्ये कोणताही गोंधळ आढळून आल्यास बँक तो चेक रिजेक्ट करेल.

3. घरगुती गॅस सिलेंडरच्या किंमती बदलणार

एक जूनपासून एलपीजी गॅसच्या किंमतीमध्ये (LPG Gas Price) देखील बदल होऊ शकतो, काही वेळा या किंमती देखील स्थिर राहतात. दर महिन्याच्या पहिल्या तारखेला या नव्या किंमती जारी केल्या जातात. सध्या देशाची राजधानी असणाऱ्या दिल्लीमध्ये 14.2 किलोग्रॅमच्या एलपीजी सिलेंडरची किंमत 809 रुपये आहे, तर 19 किलोच्या कमर्शिअल गॅस सिलेंडरच्या किंमती देखील बदलू शकतात.

हे वाचा-LPG गॅस बुकिंगबाबतचे नियम बदलणार, सिलेंडर रिफिल करणं होईल अधिक सोपं

4. जास्त गुगल स्टोरेजसाठी द्यावे लागणार वेगळे पैसे

गुगल आता Google Photos या आपल्या अ‍ॅप्लिकेशनसाठी फ्री स्टोरेज सुविधा (Free Storage) बंद करणार आहे. जगभरातले कोट्यवधी युजर्स Google photos हे अ‍ॅप्लिकेशन वापरतात. 1 जूनपासून गुगल प्रत्येक अकाउंटला एकूण 15 जीबी क्लाउड स्टोरेज देणार असून, त्यात गुगलच्या सगळ्या प्रॉडक्ट्समधल्या डेटाचा समावेश आहे. म्हणजेच एका अकाउंटचं Gmail, Google Docs, Sheets, Drives आणि गुगलच्या अन्य सेवांमध्ये मिळून एकूण 15 जीबी डेटा मोफत साठवता येऊ शकतो. 15 जीबीपेक्षा जास्त स्टोरेजसाठी आता Google One चं सबस्क्रिप्शन घ्यावं लागेल. त्यात 100 जीबीच्या स्टोरेजसाठी 19.99 डॉलर्स अर्थात भारतीय चलनात सुमारे 1460 रुपये भरावे लागतील.

हे वाचा-Gold-Silver Price: स्वस्त सोनं खरेदी करण्याची संधी, चांदीसह सोन्याचे दर उतरले

5. 1 जूनपासून काही दिवस बंद राहणार इन्कम टॅक्स ई-फायलिंगची साइट

1 जून ते 6 जून इन्कम टॅक्स विभागाचे ई-फायलिंग (Income Tax E-Filing Portal) पोर्टल बंद राहणार आहे. तर 7 जून रोजी इन्कम टॅक्स विभाग करदात्यांसाठी इन्कम टॅक्स ई-फायलिंगसाठी नवीन पोर्टल लाँच करेल. अर्थात आयटीआर भरण्याची अधिकृत साइट आता 7 जूनपासून बदलणार आहे. 7 जूनपासून ही साइट http://INCOMETAX.GOV.IN असेल. सध्या तुम्ही http://incometaxindiaefiling.gov.in या साइटचा वापर करत आहात.

Published by: Janhavi Bhatkar
First published: May 28, 2021, 6:04 PM IST

ताज्या बातम्या