ना शिवसेनेचं नाव, ना धनुष्यबाण, ठाकरे-शिंदेंसाठी आता पुढे पर्याय काय?

मुंबई, 8 ऑक्टोबर : केंद्रीय निवडणूक आयोगाने अखेर शिवसेनेच्या धनुष्यबाण चिन्हाबाबत निर्णय घेतला आहे. खरंतर हा तात्पुरता स्वरुपाचा निर्णय आहे. या प्रकरणावर सुनावणी अजून सुरुच राहणार आहे. पण अंधेरी पूर्व पोटनिवडणुकीच्या पार्श्वभूमीवर केंद्रीय निवडणूक आयोगाने तात्पुरता निर्णय घेतला आहे. अंधेरी पूर्व पोटनिवडणुकीसाठी मुख्यमंत्री एकनाथ शिंदे यांच्या गटाला आणि शिवसेना पक्षप्रमुख उद्धव ठाकरे यांच्या गटाला धनुष्यबाण हे चिन्ह वापरता येणार नाही. याशिवाय शिवसेना पक्षाचं नाव देखील वापरता येणार नाही. पण आगामी पोटनिवडणुकीसाठी दोन्ही पक्षांसाठी नेमके काय पर्याय असतील याबाबत निवडणूक आयोगाने काही सूचना दिल्या आहेत. केंद्रीय निवडणूक आयोगाने एक गोष्ट स्पष्ट केलीय की या प्रकरणाचा अंतिम निर्णय आज लागलेला नाहीय. या प्रकरणाची सुनावणी ही सुरुच राहील. त्यासाठी निवडणूक आयोगाने 10 ऑक्टोबर ही तारीख दिली आहे. पण अंधेरी पूर्व पोटनिवडणुकीसाठी दोन्ही गटाला आपापल्या वेगळ्या नावाने निवडणूक लढवावी लागेल. त्यांना निवडणूक आयोगाकडे असलेल्या एकूण 197 चिन्हांपैकी एका चिन्हाची निवड करावी लागले. संबंधित चिन्हे आपण घेऊ इच्छूक आहोत अशी माहिती त्यांना निवडणूक आयोगाला द्यावी लागेल. दोघांची बाजू ऐकून घेतल्यानंतर निवडणूक आयोग दोन्ही गटांना त्यांनी निवडलेले चिन्ह मान्य करेल. ( शिवसेनेला खूप मोठा झटका, धनुष्यबाण गोठवलं, पक्षाचं नावही वापरता येणार नाही ) केंद्रीय निवडणूक आयोगाकडे सध्याच्या घडीला 197 फ्री निवडणूक चिन्ह आहेत. शिवसेना उद्धव ठाकरे गट आणि शिंदे गटाला यापैकी तीन चिन्हाचा पर्याय दिला जावू शकतो. आता दोन्ही गट कोणते चिन्ह घेतात हे सोमवारी समोर येणार आहे. दोन्ही त्यांना हवे असल्यास, त्यांच्या मूळ पक्षाशी जोडणारं चिन्ह निवडू शकतात. सध्याच्या पोटनिवडणुकासाठी त्यानुसार, दोन्ही गटांना याद्वारे 10 ऑक्टोबर 2022 दुपारी 01:00 पर्यंत सादर करण्याचे निर्देश दिले आहेत. हा ठाकरेंचा पराभव नाही, शिंदेंनीही लढाई अद्याप जिंकलेली नाही या सर्व घडामोडींदरम्यान शिवसेना पक्षप्रमुख उद्धव ठाकरे यांच्यासाठी निवडणूक आयोगातील लढाई अद्याप संपलेली नाही. निवडणूक आयोगात अद्याप सुनावणी सुरुच राहणार आहे. पण या प्रक्रियेला वेळ लागू शकतो. तसेच एकनाथ शिंदे यांच्यासाठी देखील ही लढाई महत्त्वाची आहे. धनुष्यबाण चिन्ह गोठवण्यात आलं असलं तरी त्यांनी लढाई अद्याप जिंकलेली नाही. केंद्रीय निवडणूक आयोगाचा आदेश : 1) दोन गटांपैकी कोणीही शिवसेना हे नाव वापरू शकणार नाही. 2) दोन्ही गटांपैकी कोणालाही “धनुष्य आणि बाण” हे चिन्ह वापरण्याची परवानगी दिली जाणार नाही. 3) दोन्ही गट त्यांच्यासाठी निवडतील अशा नावांनी ओळखले जातील. संबंधित गट, त्यांना हवे असल्यास, त्यांच्या मूळ पक्षाशी जोडणारं चिन्ह निवडू शकतात. 4) दोन्ही गटांना ते निवडतील अशी वेगवेगळी चिन्हे देखील दिली जातील. यासाठी निवडणूक आयोगाने अधिसूचित केलेल्या मुक्त चिन्हांच्या यादीतून निवड करावी लागेल. सध्याच्या पोटनिवडणुकासाठी त्यानुसार, दोन्ही गटांना याद्वारे 10 ऑक्टोबर 2022 दुपारी 01:00 पर्यंत सादर करण्याचे निर्देश दिले आहेत. (i) त्यांच्या गटांची नावे ज्याद्वारे त्यांना आयोगाने मान्यता दिली असेल आणि यासाठी, प्राधान्य क्रमाने तीन पर्याय द्या, त्यापैकी कोणीही असू शकतो आयोगाने मंजूर केलेले आणि; (ii) उमेदवारांना जे चिन्ह वाटप केले जाऊ शकतात, जर असतील तर संबंधित गट. ते मध्ये तीन मुक्त चिन्हांची नावे सूचित करू शकतात. त्यांच्या पसंतीचा क्रम, त्यापैकी कोणालाही त्यांच्या उमेदवारांना वाटप केले जाऊ शकते.

• Follow us on