)
नाशिक, 4 जून : शिवसेना ठाकरे गटाचे नेते संजय राऊत यांनी राष्ट्रवादीचे नेते अजित पवार यांच्यावर वादग्रस्त टीका केली होती. आता या वादात राष्ट्रवादीचे नेते छगन भुजबळ यांनी उडी घेतली आहे. त्यांनी संजय राऊत यांना सल्ला दिलाय. संजय राऊत यांनी महाविकास आघाडीत एकत्र असताना एकमेकांवर शेरेबाजी करणं टाळलं पाहिजे. अशानं वज्रमूठीवर लोकांचा विश्वास राहणार नाही असं छगन भुजबळ यांनी म्हटलं आहे. जागा वाटपावर प्रतिक्रिया दरम्यान यावेळी बोलताना त्यांनी लोकसभेच्या जागा वाटपावर देखील प्रतिक्रिया दिली आहे. लोकसभेच्या राज्यात 48 जागा आहेत. जागा वाटपाचा निर्णय वरिष्ठ नेते घेतील. त्यावर चर्चा करू नये असं भूजबळ यांनी म्हटलं आहे. पंकजा मुंडे राष्ट्रवादीत येणार का? भुजबळांनी दिलं उत्तर पंकजा मुंडेंवर प्रतिक्रिया शनिवारी राष्ट्रवादीचे नेते एकनाथ खडसे यांनी पंकजा मुंडे यांच्या घरी जाऊन त्यांची भेट घेतली होती. त्यानंतर चर्चेला उधाण आलं. आता यावर देखील भुजबळ यांनी प्रतिक्रिया दिली आहे. पंकजा मुंडे यांच्याबाबत मी वृत्तपत्रामध्ये वाचलं. त्यांच्या मनात दु:ख आहे, त्यांनी नाराजी व्यक्त केली आहे. त्या पंतप्रधान नरेंद्र मोदी आणि गृहमंत्री अमीत शाह यांना भेटणार आहे. हा योग्य मार्ग असल्याचं भुजबळ यांनी म्हटलं आहे. पुढे बोलताना छगन भुजबळ म्हणाले की, पंकजा मुंडे या राष्ट्रवादीत येणार का याची मला कल्पना नाही. त्या राष्ट्रवादीत येतील असं वाटत नाही. भाजपमध्ये ओबीसी नेत्यांना डावललं जातं अशी चर्चा आहे, यावर भाजपने विचार करावा.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
