)
मुंबई, 11 मार्च : अभिनेत्री करिना कपूरनं नुकतीच इन्स्टाग्रामवर दमदार एंट्री केली. बघता बघता तिच्या फॉलोअर्सची सध्या 17 लाखांपेक्षा जास्त झाली आहे. मागच्या बऱ्याच काळापासून करिनाचे चाहते तिच्या सोशल मीडिया डेब्यूची वाट पाहत होते. काही दिवसांपूर्वीच करिनानं तिचं इन्स्टाग्राम अकउंट ओपन केलं. पण यासोबतच एक नव्या वादाची चर्चा आता सोशल मीडियावर सुरू झाली आहे. करिनानं सोशल मीडियावर एंट्री केल्यानंतर करिना आणि तिची सावत्र मुलगी सारा अली खानमध्ये वाद असल्याच्या चर्चा सध्या सोशल मीडियावर होताना दिसत आहेत. सारा आणि करिना यांच्या नात्यात वाद असल्याच्या चर्चांची सुरुवातच मुळात करिनाच्या इन्स्टाग्राम डेब्यूपासून झाली आहे. करिनानं इन्स्टाग्राम सुरू केल्यानंतर तिला बॉलिवूडमधील अनेक कलाकारांनी तिला फॉलो केलं आहे. ज्यात करिश्मा कपूर, सोहा अली खान, इब्राहिम अली खान, सोनम कपूर, मलायका अरोरा, आलिया भटसह इतर अनेकांचा समावेश आहे. मात्र या लिस्टमध्ये सारा अली खानचं नाव कुठेच नाही. पण ही गोष्ट फक्त साराची नाही तर करिनानंही साराला फॉलो केललं नाही. OMG! तमन्ना भाटिया या बॉलिवूड अभिनेत्यासाठी तोडणार ऑनस्क्रिन No Kissing पॉलिसी
करिनानं आतापर्यंत 29 लोकांना फॉलो केलेलं आहे मात्र यात साराचं नाव कुठेही नाही. तसं पाहायला गेलं तर सारा आणि करिनामधील संबंध तर चांगले आहे. या दोघी नेहमीच कोणत्याही मुलाखतीत एकमेकांचं कौतुक करताना दिसतात. अनेकदा सारानं ती स्वतः करिनाची खूप मोठी चाहती असल्याचं अनेक मुलाखतीत सांगितलं आहे. पण आता या दोघींनीही एकमेकांना सोशल मीडियावर फॉलो न करण्याचं कारण मात्र अद्याप समोर आलेलं नाही. ‘माझं शरीर, माझी मर्जी…’ क्लिवेजवरुन ट्रोल करणाऱ्यांना रश्मी देसाईनं झापलं
साराच्या वर्कफ्रंट बद्दल बोलायचं तर सारा लवकरच ‘कुली नंबर 1’ च्या रिमेकमधून प्रेक्षकांच्या भेटीला येणार आहे. या सिनेमात ती अभिनेता वरुण धवनसोबत स्क्रिन शेअर करणार आहे. तर करिना कपूरचा ‘अंग्रेजी मीडियम’ हा सिनेमा लवकरच प्रेक्षकांच्या भेटीला येत आहे. या सिनेमात करिना पोलिस ऑफिसरच्या भूमिकेत दिसणार असून अभिनेता इरफान खान आणि राधिका मदन हे सुद्धा या सिनेमात प्रमुख भूमिकेत आहेत. येस बँक प्रकरणात मलायकाच्या बॉयफ्रेंडचं नाव, म्हणे ‘अर्जुन कपूरमुळे बुडली बँक’
+6
फोटो
