'Bigg Boss Marathi 3' च्या चावडीनंतर आदर्श शिंदेची भावाच्या समर्थानार्थ पोस्ट ; म्हणतो, आपण पण घेऊच, शाळा…

मुंबई, 03 ऑक्टोबर : सध्या सगळीकडे मराठी बिग बॉसच्या (Bigg Boss Marathi 3) सीजन तीनची चर्चा रंगली आहे. बिग बॉस मराठीच्या घरात हल्लाबोल या टास्कनंतर एक वेगळं वातावरण पाहायला मिळत आहे. घरातील दोन गट आता स्पष्ट दिसू लागले आहेत. त्यातच आठवडाभर स्पर्धकांनी ज्या चूक केल्या त्यावर चावडीवर महेश मांजरेकर स्पर्धकांची चांगलीच शाळा घेतली आहे. या टास्कमध्ये कॅप्टन असलेल्या उत्कर्ष शिंदेला (Utkarsh Shinde ) महेश मांजरेकर यांनी खडेबोल सुनावले. यानंतर सध्या सोशल मीडियावर उत्कर्षचा भाऊ आदर्श शिंदेची पोस्ट चर्चेत आली आहे. वाचा : आमिर खानची मुलगी इरा Depressionनंतर करतेय ‘या’ समस्येचा सामना, VIDEO शेअर करत सांगितली व्यथा आदर्शने आपल्या पोस्टच्या कॅप्शनमध्ये म्हटले आहे की, ‘Youtube वर आणि Social Media वर सगळेच शाळा घेताना दिसत आहेत, तर म्हटलं आपण पण घेऊच… शाळा… माझ्या या चावडीवर..’ आता आदर्श त्याच्या चावडीवर काय मुद्दे मांडणार याची उत्सुकताही आहे. विशेष म्हणजे नेटकऱ्यांनी आदर्शच्या या पोस्टवर संमिश्र प्रतिक्रिया दिल्या आहेत.

View this post on Instagram

A post shared by Adarsh Shinde | आदर्श शिंदे (@adarshshinde)

हल्लाबोल टास्कमध्ये उत्कर्ष शिंदे हा संचालक होता. मात्र उत्कर्षने पक्षपात केला असल्याने महेश मांजरेकर यांनी त्याला चांगलेच सुनावले आहेत. हल्लाबोल टास्क दरम्यान जयच्या गटाने मिर्चीची धुरी वापरली होती. मात्र दुसऱ्या गटाला मिठाचं पाणी वापरण्यास उत्कर्षने मनाई केली. यावर महेश मांजरेकर यांनी उत्कर्षची चांगलीच शाळा घेतली आहे. Nagpur Job Alert: तायवाडे कॉलेज कोराडी नागपूर इथे तब्बल 62 जागांसाठी पदभरती तो सगळ्यात पार्शियल संचालक असल्याच म्हणत त्याला खडेबोल सुनावले. यानंतर सोशल मीडियावर उत्कर्षच्या नावाची चर्चा रंगलेली आहे. यानंतर त्याचा भाऊ आदर्श शिंदेने त्याला पाठिंबा दिला आहे.  आता आदर्शच्या या पोस्टवर महेश मांजरेकर काय प्रतिक्रिया देणार हे पाहणे देखील उत्सुकतेचे ठरणार आहे. यासोबतच महेश मांजरेकर यांनी कान टोचल्यानंतर उत्कर्ष  त्याच्या वागण्यात काही बदल करणार का, हे देखील येणाऱ्या काळात समजेल. यासोबतच आजच्या चावडीवर देखील काय होणार याची देखील उत्सुकता प्रेक्षकांना लागली आहे.