)
मुंबई, 09 जानेवारी: आई कुठे काय करते’ ही मालिका प्रेक्षकांचं लक्ष वेधून घेण्यात यशस्वी ठरत आहे. मालिकेत प्रत्येक व्यक्तिरेखेच्या आयुष्यात काही ना काही प्रसंग घडत आहेतच. मालिका आईची असली, तरी आईभोवतीची पात्रंही तितकीच महत्त्वाची दाखवली जातात. सध्या मालिकेत अरुंधती आणि आशुतोष यांची वाढणारी जवळीक प्रेक्षकांच्या पसंतीस उतरतेय. मालिकेतील प्रत्येक घडामोड सोशल मीडियावर चांगलीच व्हायरल असते. आता मालिकेत मोठा ट्विस्ट आला आहे. अभिषेक आणि अनघा यांच्यातील दुरावा दिवसेंदिवस वाढतच आहे. अशातच ‘आई कुठे काय करते’ मालिकेतील पुढच्या भागाची अपडेट समोर आली आहे. ‘आई कुठे काय करते’ मालिकेतील पुढच्या भागाची अपडेट समोर आली आहे. मालिकेत अरुंधतीच्या आईची एंट्री होणार आहे. सध्या अरुंधतीच्या आयुष्यात खूप घडामोडी चालल्या आहेत. एकीकडे आपल्या मुलाचा तुटणारा संसार आहे तर दुसरीकडे तिचं आणि आशुतोषचं नातंही निर्णायक वळणावर आलं आहे. सगळीकडूनच अरुंधतीवर संकट येत आहे. आता या संकटांवर मात करण्यासाठी अरुंधतीच्या आईची तिला खंबीर साथ लाभणार आहे. हेही वाचा - Akshay Kelkar : विजेतेपद पटकावल्यानंतर अक्षय केळकर झाला एवढ्या रक्कमेचा धनी; वाचून व्हाल अवाक! मालिकेचा एक प्रोमो नुकताच समोर आला आहे. त्यानुसार अरुंधतीची आई मालिकेत दिसत आहे. त्या दोघी एकमेकींशी संवाद साधत आहेत. अरुंधती तिच्या आईसोबत अभि विषयी बोलत आहे. अभि दिवसेंदिवस घरच्यांपासून, अनघा पासून आणि अरुंधतीपासून देखील जास्तच दूर जाऊ लागला आहे. त्यामुळे अरुंधती चिंतेत आहे. त्या विषयीच अरुंधती आईशी बोलत आहे. ‘आपल्या आईला सगळीच मुलं सारखीच असतात ना ग आई’ असं म्हणते.
तेवढ्यात तिथे अनघा येते. अनघाला पाहून अरुंधतीची आई म्हणते, ‘बाळा छकुलीकडे बघून आनंदी राहायला लाग. दुःख संपलं कि आनंद होत नसतो, आनंदी राहायला लागलं कि दुःख संपत असतं.’ आईच्या या शब्दांनी अनघा सहित अरुंधतीला देखील चांगला धीर मिळतो. आता अरुंधतीची आई तिच्या आणि आशुतोषच्या नात्यावर काय भाष्य करणार. ती या दोघांचं नातं स्वीकारणार का ते पाहणं देखील मालिकेत महत्वाचं ठरणार आहे.
मालिकेत अभिने अनघाची हात जोडून माफी मागितली आहे. तसेच आधी घडलेल्या प्रकाराबद्दल स्पष्टीकरण दिलं आहे. तसेच त्याने लेकीसाठी एकत्र येण्याची विनंती केली आहे. दरम्यान, आता अरुंधती काय करणार, ती अभिषेकला समजावू शकेल का, अभि आणि घरच्यांमध्ये वाढणारं अंतर अरुंधती दूर करू शकेल का तसंच आशुतोष बद्दल ती काय निर्णय घेणार हे येणाऱ्या भागात समोर येईल.
+6
फोटो
