मुंबई, 31 ऑगस्ट : हिंदू देवतांमध्ये प्रत्येक देवतेचे स्वतःचे वाहन असते. विष्णूचे वाहन गरुड, देवी लक्ष्मीचे वाहन घुबड, माता सरस्वतीचे वाहन हंस, शिवाचे वाहन नंदी बैल, माता पार्वतीचे वाहन वाघ आहे. सर्व देवतांच्या वाहनाची स्वतःची वैशिष्ट्ये आहेत. सिंह म्हणजे वेगवान वाहन, बैल म्हणजे एकनिष्ठ भक्त. पण तुम्हाला माहीत आहे का, गणपतीने उंदराला आपले वाहन म्हणून का निवडले? पंडित इंद्रमणी घनश्याल यांनी याविषयी दिलेली माहिती जाणून (Ganesh Chaturthi 2022) घेऊया. पहिली कथा - पौराणिक कथेनुसार, एकदा भगवान गणेशाचे गजमुखासुर नावाच्या राक्षसाशी युद्ध झाले. गजमुखसुराला वरदान लाभल्यामुळे त्याला कोणत्याही शस्त्राने मारता येत नव्हते. त्यावर गणपतीने गजमुखसुरावर त्याच्या एका दाताने हल्ला केला. या भीतीने गजमुखासुर उंदीर होऊन तेथून पळू लागला. पण गणेशाने त्याला आपल्या पाशात बांधले. यावर गजमुखसुराने गणेशाची क्षमा मागितली. यानंतर गणेशजींनी त्यांना आपले वाहन बनवून नवजीवन दिले. दुसरी कथा - द्वापार युगात एका बलवान उंदराने महर्षी पराशरांच्या आश्रमाची तोडफोड केली होती. ऋषींची वस्त्रे आणि ग्रंथही कुरतडले गेले. यामुळे व्यथित होऊन महर्षी पराशर गणेशजींकडे मदत मागण्यासाठी आले. त्यावर गणेशजी उंदीर पकडण्यासाठी आले. गणेशजींनी पाश टाकला त्यामुळे उंदीर पाताळात जाऊन पोहोचला. हे वाचा - येथे अजूनही रात्री सुरू असते श्रीकृष्णाची रासलीला; पाहणारे वेडे होतात, हरपतं भान तेथून पाशांनी त्याला बांधून गणेशजींसमोर नेले. गणेशजींनी उंदराला सांगितले की, आता तू माझ्या आश्रयाला आहेस, तुला जे हवे ते तू मागू शकतोस. त्यावर उंदीर म्हणाला की मला तुमच्याकडून काहीही नको आहे. पण, तुम्ही माझ्याकडून काहीही मागू शकता. त्यावर गणेशजी म्हणाले की, तू माझे वाहन बन. अशाप्रकारे मग उंदीर हे गणेशाचे वाहन बनले. हे वाचा - Ganesh Chaturthi 2022 : बाप्पाचे आशीर्वाद मिळवण्यासाठी अशाप्रकारे करा स्वागत, पूजा करताना टाळा या गोष्टी (सूचना : येथे दिलेली माहिती धार्मिक श्रद्धेवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)