अक्षय्य तृतियाला करण्याची कामे
मुंबई, 12 एप्रिल : यावर्षी अक्षय्य तृतीया शनिवार, 22 एप्रिल रोजी साजरी होणार आहे. या दिवशी देवी लक्ष्मीचा आशीर्वाद मिळविण्याची चांगली संधी आहे. अक्षय्य तृतीया वैशाख महिन्याच्या शुक्ल पक्षाच्या तिसऱ्या दिवशी साजरी केली जाते, याला अखातीज असेही म्हणतात. धार्मिक मान्यतेनुसार अक्षय्य तृतीयेच्या दिवशी कोणतेही शुभ कार्य केल्यास त्याचे पुण्य अक्षय असते, ते कधीच संपत नाही, म्हणूनच अक्षय्य तृतीयेला खूप महत्त्व आहे. तिरुपतीचे ज्योतिषी डॉ. कृष्णकुमार भार्गव सांगतात की, अक्षय तृतीया शुभ मानली जाते, या दिवशी सोने किंवा मालमत्ता खरेदी करणे शुभ मानले जाते. जाणून घेऊया अक्षय्य तृतीयेच्या 3 सोप्या उपायांबद्दल, ज्यामुळे धन, सुख आणि समृद्धी मिळू शकते. अक्षय्य तृतीयेसाठी ज्योतिषीय उपाय - 1. जव खरेदी करणे, दान करणे - अक्षय्य तृतीयेच्या दिवशी जव दान करणे खूप शुभ मानले जाते. त्याचे दान सोने दान करण्यासारखे आहे. अक्षय्य तृतीयेला तुम्ही सोने खरेदी करू शकता, जर ते शक्य नसेल तर जव (बार्ली) खरेदी करा. यामुळे तुमच्या कुटुंबाची संपत्ती वाढेल. या दिवशी चांदी, दागिने इत्यादी खरेदी केल्याने अक्षय लक्ष्मीची प्राप्ती होते, असे मानले जाते. 2. विष्णूसोबत लक्ष्मी पूजन - अक्षय्य तृतीयेच्या दिवशी भगवान श्री हरी विष्णूसोबत लक्ष्मी पूजा करावी. यामुळे माता लक्ष्मी प्रसन्न होते. वैवाहिक जीवन सुखाचे राहते. लक्ष्मीच्या कृपेने जीवनात धन-समृद्धीची कमतरता भासत नाही. याशिवाय तुम्हाला हवे असल्यास, तुम्ही देवी लक्ष्मीसोबत गणेशाची पूजा करू शकता. यामुळे तुमची संपत्ती स्थिर राहील. पूजेच्या वेळी माता लक्ष्मीला गोड खीर किंवा दुधापासून बनवलेले कोणतेही पांढरे गोड पदार्थ प्रसाद म्हणून अर्पण करावेत. 3. पाण्याच्या कलशाचे दान अक्षय्य तृतीयेच्या दिवशी कलश घेऊन त्यात स्वच्छ पाणी भरावे. नंतर त्यात थोडे गंगाजल मिसळा. हा कलश एखाद्या गरीब ब्राह्मणाला दान करा. पाण्याने भरलेला कलश दान केल्यानं सर्व तीर्थांचे पुण्यासारखेच फळ मिळते.
अक्षय्य तृतीयेला ब्रह्मदेवाचा पुत्र अक्षयची उत्पत्ती - पौराणिक कथेनुसार, ब्रह्मदेवाचा मुलगा अक्षयकुमारचा जन्म वैशाख शुक्ल तृतीया तिथीला झाला होता, म्हणून या तिथीला अक्षय्य तृतीया म्हणतात. अक्षय्य तृतीयेला पूर्वजांची पूजा - अक्षय्य तृतीयेच्या दिवशी पूर्वजांसाठी तर्पण, पिंडदान इत्यादी केल्यानं अक्षय्य फळ मिळतं. त्यामुळे पूर्वज त्यांच्या वंशजांवर आनंदी राहतात आणि त्यांना आनंदी आयुष्यासाठी आशीर्वाद देतात. या दिवशी पूर्वजांची पूजा अवश्य करावी. हे वाचा - सरकारी नोकरीचा योग यायला कुंडलीत ग्रहांची ‘अशी’ बैठक जुळायला लागते (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)