आर्थिक अडचणीचा करताय सामना, तुळशीच्या झाडामुळे होईल सुटका, अयोध्येतून आला उपाय
सनातन धर्मात तुळशीच्या रोपाला खूप महत्त्व आहे. धार्मिक मान्यतेनुसार, तुळशीच्या रोपामध्ये लक्ष्मीचा वास असतो. घरात तुळशीचे रोप लावल्याने सकारात्मक उर्जा वाहते. सुख आणि शांती मिळविण्यासाठी लोक नियमानुसार तुळशीच्या रोपाची पूजा करतात. तुळशीचे मूळ अत्यंत पवित्र मानले जाते. याच्या मुळापासून असे अनेक उपाय आहेत, ज्याद्वारे मनुष्य अनेक समस्यांपासून मुक्त होऊ शकतो. अयोध्या येथील ज्योतिषाचार्य पंडित कल्की राम सांगतात की, “तुळशीची वनस्पती हिंदू धर्मात अत्यंत पवित्र मानली जाते. जर तुम्हाला तुमच्या जीवनात सर्व प्रकारच्या समस्यांचा सामना करावा लागत असेल तर दररोज तुळशीच्या रोपावर पाणी अर्पण करावे. यासोबतच संध्याकाळी तुळशी समोर दिवा लावावा. धन-समृद्धिच्या प्राप्तीसाठी : जर तुमच्या आयुष्यात आर्थिक समस्या असतील तर रोज तुळशीच्या रोपाला जल अर्पण करा आणि संध्याकाळी दिवा लावा. यामुळे पैसे मिळवण्याचे सर्व मार्ग खुले होतात. असे रोज केल्यास धनाशी संबंधित सर्व समस्या दूर होतील. आर्थिक स्थिती मजबूत राहील, माता लक्ष्मी तुमच्यावर प्रसन्न राहील. Hanuman Chalisa : का वाचावी हनुमान चालीसा? काशीतील पंडितांनी सांगितले पाच फायदे ग्रहांच्या शांतीसाठी : तुमच्या कुंडलीतील ग्रहांची स्थिती शांत ठेवायची असेल तर रोज तुळशीची पूजा करा. याशिवाय तुळशीचे मूळ एका लाल कपड्यात बांधून ते तावीज घालून हातावर घाला. असे केल्याने ग्रह दोषांपासून मुक्ती मिळते.
कामात यशस्वी होण्यासाठी : जर तुम्ही कोणतेही काम करत असाल आणि त्यात सतत अपयश येत असेल तर दररोज थोडेसे तुळशीचे मूळ घेऊन गंगाजलाने धुवून त्याची यथायोग्य पूजा करावी. यानंतर तुळशीच्या मुळाला पिवळ्या रंगाच्या कपड्याने बांधून ठेवा. असे केल्याने तुम्हाला अपयशापासून मुक्ती मिळेल आणि सर्व रखडलेली कामे पूर्ण होतील. नकारात्मक ऊर्जा काढून टाकण्यासाठी : ज्योतिषशास्त्रात तुळशीला सकारात्मकतेचे प्रतीक मानले जाते. घरामध्ये तुळशीचे रोप लावल्यास घरात सकारात्मक ऊर्जेचा संचार होतो. तुळशीच्या मुळाची माळ घातल्याने केल्याने नकारात्मकता दूर होते.