भर बाजारात महिला वकिलाला लाथा-बुक्क्यांनी जबर मारहाण; लोक फक्त बघत राहिले, संतापजनक VIDEO

बंगळुरू 16 मे : सोशल मीडियावर एक अतिशय अस्वस्थ करणारा व्हिडिओ व्हायरल होत आहे. ज्यामध्ये एक पुरुष एका महिलेला लाथा-बुक्क्यांनी बेदम मारहाण करताना दिसत आहे (Woman Advocate Brutally Assaulted by Man). आश्चर्य म्हणजे महिलेला वाचवण्याऐवजी आसपास उभी असलेली जनता तमाशा पाहत आहे. हा व्हिडिओ पाहून सोशल मीडियावर लोकांचा रोष उसळला आहे. ही लाजिरवाणी घटना कर्नाटकातील बागलकोट जिल्ह्यातील विनायक नगरची आहे. ज्याचा व्हिडिओ (Female Lawyer Thrashed Video) ट्विटरवर मोठ्या प्रमाणात व्हायरल होत आहे. मीडिया रिपोर्ट्सनुसार, आरोपीला अटक करण्यात आली आहे. महिलेनं धावत्या ट्रेनमधून आधी मुलांना फेकलं, मग स्वतःही घेतली उडी अन्..., VIDEO पाहून उडेल थरकाप मीडिया रिपोर्ट्सनुसार, संगीता शिक्केरी असं महिलेचं नाव असून, ती पेशाने वकील आहे. तर आरोपी महनतेश आहे. दोघे एकमेकांचे शेजारी असल्याचं सांगण्यात येत आहे. कोणत्या तरी मालमत्तेवरून त्यांच्यात वाद सुरू होता. यासाठी महनतेशने संगीता आणि तिच्या पतीला भरदिवसा मारहाण केली. आता या घटनेचा व्हिडिओ ट्विटरवर व्हायरल झाला आहे.

#SHOCKING A #woman #lawyer named Sangeetha was brutally assaulted and injured at #Bagalkote #Karnataka. #Worse: many people watched and didn't come forward to help her. Sangeetha and her assaulter Mahantesh are neighbours.And they had differences over some issue pic.twitter.com/D3KhJRc2fU

— Mohammad fasahathullah siddiqui (@MdFasahathullah) May 14, 2022

हा व्हिडिओ केवळ 9 सेकंदांचा आहे, परंतु हे दृश्य खूपच क्रूर आणि भयानक आहे. व्हायरल होत असलेल्या व्हिडिओमध्ये आरोपी महनतेश संगीताला बेदम मारहाण करताना दिसत आहे. यादरम्यान तो महिलेच्या पोटावर लाथही मारतो, त्यामुळे ती वेदनेने ओरडते आणि काही पावले मागे जाते. मात्र महनतेश इथेच थांबत नाही, तो संगीताला सतत लाथा-बुक्क्यांनी मारहाण करतो. त्यानंतर तो तिला चापट मारू लागतो. या हल्ल्यादरम्यान महिलेच्या हातातील कागदपत्रंही खाली पडल्याचं पाहायला मिळतं. भीषण अपघातात गाडीचा अक्षऱशः चक्काचूर झाला; मात्र चालकाला खरचटलंही नाही, थक्क करणारा VIDEO या लाजिरवाण्या घटनेचा व्हिडिओ सोशल मीडियावर समोर आल्यानंतर लोकांनी या संताप व्यक्त केला आहे. एका यूजरने कमेंट करताना लिहिलं, 'असं पब्लिक पाहून लाज वाटते. एका महिलेला सार्वजनिक ठिकाणी मारहाण केली जात आहे आणि लोक शांतपणे तमाशा पाहत आहेत.' आणखी एका यूजरने या व्यक्तीला कठोर शिक्षा व्हायला हवी असं म्हटलं आहे. आणखी एकाने कमेंट करत लिहिलं की, 'अशाप्रकारे कोणी प्राण्यालाही मारत नाही.' एकंदरीतच हा व्हिडिओ पाहून लोक चांगलेच भडकले आहेत आणि आरोपीला कठोर शिक्षा देण्याची मागणी करत आहेत