)
मुंबई, 27 जुलै : नाग आणि नागिणीच्या प्रेमाबद्दल तुम्ही ऐकलंच असेल. या दोघांच्या रोमान्सचे अनेक व्हिडीओ देखील व्हायरल होत असतात. पण सध्या असा एक व्हिडीओ समोर आला आहे जो पाहून नक्कीच तुम्हाला धक्का बसेल. या नाग नागिणिच्या रोमान्स व्हिडीओमध्ये काही भलतंच पाहायला मिळत आहे. प्रेमात कुणाचा प्रियकर पाकिस्तानातून भारतात येतोय, तर कुणी सात समुद्रापार जातात. परंतू या नाग आणि नगीणीच्या व्हिडीओत मात्र भलतंच पाहायला मिळत आहे. कोब्रा आणि नागाच्या प्रेमप्रकरणाची ही संपूर्ण घटना कॅमेऱ्यात कैद झाली आहे. नाग आणि नागिणीचा पडक्या घरात अर्ध्या तासांपासून सुरू होता रोमान्स, तुमच्या अंगावर येईल काटा PHOTOS सापांचे असे दुर्मिळ वर्तन राजधानी जयपूरमध्ये पाहायला मिळाले आहे, ज्याची राज्यात यापूर्वी कधीही नोंद झाली नव्हती. जयपूरच्या जगतपुराजवळील इंद्र नगरमध्ये एका नागीणीने तिला भेटायला आलेल्या कोब्राला गिळलं आहे. हे दृश्य पाहून आजूबाजूचे लोक आश्चर्यचकित झाले. नंतर गर्दीच्या भीतीने नागिणीने आपल्या पोटातून सापाला सर्वांसमोर थुंकले. राजधानी जयपूरमध्ये पहिल्यांदाच नरभक्षणाची अशी दुर्मिळ घटना व्हिडीओ रेकॉर्डसह समोर आली आहे. या संपूर्ण प्रकरणात असे घडले की, मंगळवारी राजधानीच्या इंद्रनगरमध्ये सापांची जोडी बराच वेळ फिरत असल्याचे दिसले. साप पाहून नागरिकांमध्ये भीतीचे वातावरण पसरले. लोकांना पाहून असे वाटले की जणू ही सापांची जोडी आहे. कारण पावसाळा म्हणजे सापांना भेटण्याचीही वेळ असते. अशा स्थितीत वसाहतीत लोकवस्ती असल्याने स्थानिक लोकांनी सर्प रेस्क्यू तज्ज्ञाला घटनास्थळी पाचारण केले. सर्प बचाव तज्ज्ञ चिन्मय मॅक मॅसी घटनास्थळी पोहोचले असता एका घराजवळील दगडांमध्ये हे जोडपे घुसल्याचे दिसून आले. तेथे सापाचा शोध घेतला असता मादी सापडली, मात्र नर कुठेच दिसला नाही.
मादीला पकडून अतिशय बारकाईने निरीक्षण केले असता तिच्या तोंडात नराच्या शेपटीचा मागचा भाग दिसत असल्याचे दिसून आले. मादीला पकडताच ती पळू लागली. स्वतःचे ओझे कमी करण्यासाठी मादीने गिळलेल्या नर कोब्राला बाहेर काढायला सुरुवात केली. चिन्मयने सांगितले की कोब्रा प्रजातीमध्ये मादी नरापेक्षा जड असते. या प्रकरणातही चार फूट लांबीच्या नर कोब्राने साडेपाच फूट लांबीच्या मादी कोब्रासोबत संगनमत करण्याचा अयशस्वी प्रयत्न केला. आता एकतर मादीला नराचा हा उद्धटपणा आवडला नसणार किंवा मग आपल्या पोट्याच्या भूकेनं तिला हे सगळं करण्यास भाग पाडले.
+6
फोटो
