आनंदाच्या भरात नातेवाईकांनी पिशव्यांमध्ये भरून रस्त्यावर फेकले पैसे, वरातीत नोटांचा सडा, VIDEO

अहमदाबाद 22 जानेवारी : लग्न हा प्रत्येक माणसाच्या आयुष्यातील एक अतिशय महत्त्वाचा क्षण असतो. त्यामुळे आपल्या लग्नात काहीतरी वेगळं करायचं आणि हा दिवस अविस्मरणीय बनवायचा यासाठी प्रत्येक नवरदेव आणि नवरी प्रयत्न करत असतात. इतकंच नाही तर घरातील लोकही लग्नात अगदी उत्साहात आणि आनंदात वावरताना दिसतात. हा आनंद व्यक्त करण्याची प्रत्येकाची पद्धत मात्र वेगळी असते. याचे निरनिराळे व्हिडिओ (Wedding Video Viral) अनेकदा सोशल मीडियावर व्हायरल झाल्याचं पाहायला मिळतं. सेल्फी कॅमेरा ऑन करून काढत होता व्हिडिओ; इतक्यात मागून सिंह आला अन्..., VIDEO सध्या अशाच एका लग्नातील व्हिडिओ समोर आला आहे. लग्नाच्या वरातीत आपला आनंद व्यक्त करत नवरी आणि नवरदेवाकडील लोक ढोल वाजवणाऱ्यांना पैसे देतात. अनेक लग्नांमध्ये आपण हे दृश्य पाहिलं असेल. मात्र, सध्या समोर आलेला व्हिडिओ अतिशय अजब आहे. यात वरातीतील लोकांनी आनंदी होऊन थेट पिशवी भरून पैसे रस्त्यार ओतले (Man Thrown Money on Road).

गुजरात: पिशव्या भरून पैसे रस्त्यावर टाकले; वरातीतील VIDEO VIRAL pic.twitter.com/gYKrdlSVNM

— News18Lokmat (@News18lokmat) January 22, 2022

ही घटना गुजरातच्या मेहसाणा येथील लिंच या गावातील आहे. या घटनेत गावात एका लग्नाची वरात निघाली होती. यादरम्यान वरातीत सहभागी लोकांनी पिशवी भरून पैसे ढोल वाजवणाऱ्या लोकांसमोर ओतले. हे पैसे इतके जास्त होते, की पिशवीतून खाली ओतताच रस्त्यावर दूरपर्यंत पसरले. ढोल वाजवणारे काही व्यक्ती या पैशांवरुनच चालताना दिसत आहेत. नवरदेवाच्या बहिणीची नवरीसोबत विचित्र मस्करी; क्षणात दुःखात बदललं आनंदाचं वातावरण व्हिडिओमध्ये सुरुवातीला एक व्यक्ती प्लॅस्टिकच्या मोठ्या पिशवीत भरलेले पैसे रस्त्यावर ओतताना दिसतो. यानंतर ढोल वादक या पैशांवरुन पळत आपला आनंद व्यक्त करतात. याशिवाय एक महिलाही पिशवीने रस्त्यावर पैसे ओतताना दिसते. व्हिडिओमध्ये दिसणाऱ्या बहुतेक नोटा 10 रुपयांच्या आहेत. हा व्हिडिओ समोर आल्यानंतर सगळीकडेच चर्चेचा विषय ठरत आहे.