)
नवी दिल्ली 28 जानेवारी : साप हा अतिशय भीतीदायक जीव आहे. सापाचं नाव ऐकताच अनेकांना घाम फुटतो. अशात साप समोर आल्यावर तर काय अवस्था होईल, हे सर्वांनाच माहिती आहे. अगदी मोठमोठे प्राणीही सापाला पाहून आपला रस्ता बदलणंच भलं मानतात. या जीवासोबत सामना करणं, कोणासाठीही कठीण काम आहे. मात्र, एक आई आपल्या पिल्लांसाठी काहीही करू शकते. मग समोर साप असो किंवा आणखी एखादा भयानक प्राणी. मुलांवर संकट येताच, काहीही विचार न करता आई लढा देत राहाते. सध्या याचाच प्रत्यय देणारा एक व्हिडिओ (Snake and Hen Fight Video) समोर आला आहे. पाण्यात कोसळलेल्या साथीदाराला वाचवण्यासाठी श्वानाची धडपड; शेवटी काय घडलं? Video यात एक कोंबडीने आपली अंडी वाचवण्यासाठी थेट कोब्रा सापासोबतच लढा दिला. व्हिडिओमध्ये (Shocking Video) दिसतं, की कोंबडी आपल्या अंड्यांवर बसलेली आहे. या अंड्यामधून काही दिवसातच पिल्लं बाहेर येणार आहेत. इतक्यात एक काळ्या रंगाचा साप तिथे येतो. हा साप कोंबडीच्या अगदी जवळ येतो आणि आपला फणा काढून कोंबडीवर हल्ला करण्याचा प्रयत्न करतो. मात्र, सापाने हल्ला करताच तिथून पळ न काढता कोंबडीही सापावर आपल्या चोचीने हल्ला करू लागते.
कोंबडीला हे समजलेलं असतं की साप तिची अंडी खाण्यासाठी तिथे आलेला आहे. यामुळे अंड्याच्या बचावासाठी कोंबडी त्याच्यावरच बसून सापावर हल्ला करू लागते. अनेकदा ती सापावर चोचीने वार करते. आपल्या चोचीने सतत हल्ला करत कोंबडी सापाला तिथून दूर करण्याचा प्रयत्न करते. मात्र सापही कोंबडीच्या समोरच थांबतो आणि हल्ला करत राहातो. मात्र, कोंबडीही हार न मानता चोचीने त्याला तोपर्यंत मारत राहाते, जोपर्यंत हा साप तिथून निघून जात नाही. VIDEO: नवरी-नवरदेवाच्या मांडीवर कोसळला युवक; भडकलेल्या नवरदेवाने काय केलं पाहा हा व्हिडिओ hayatvahsh2019 नावाच्या इन्स्टाग्राम अकाऊंटवरुन पोस्ट केला गेला आहे. व्हिडिओ व्हायरल होत असून लोक यातील कोंबडीच्या धाडसाचं कौतुक करत आहेत. तसंच आपल्या अंड्यांचं संरक्षणासाठी तिने शेवटपर्यंत दिलेल्या लढ्याबाबतही आश्चर्य व्यक्त करत आहेत. तर काही लोक हे पाहून हैराण आहेत, की इतक्या विषारी सापालाही कोंबडीने हार मानण्यास भाग पाडलं. एका यूजरने यावर कमेंट करत लिहिलं, आम्ही कधीही विचार केला नव्हता की साप आणि कोंबडी यांच्यातही भांडण होऊ शकतं.
+6
फोटो
