सहनही होईना आणि सोडताही येईना; बॉयफ्रेंडला गर्लफ्रेंडबाबत असं काही समजलं की तुम्हालाही बसेल धक्का

मुंबई, 24 ऑक्टोबर : नवरा-बायको असो किंवा गर्लफ्रेंड-बॉयफ्रेंड कपलला आपसातील छोट्या छोट्या गोष्टी आपणा एकमेकांना माहिती असाव्यात असं वाटतं. बऱ्याचदा जोडीदाराच्या चुकांकडे दुर्लक्ष केलं जातं आणि नातं पुढे नेलं जातं. पण काही गोष्टी अशा असतात जे कितीही प्रयत्न केला तरी दुर्लक्ष करता येत नाही. अशाच एका तरुणाने आल्या गर्लफ्रेंडबाबतचं सत्य सांगितलं आहे.

हा तरुण त्याच्या गर्लफ्रेंडसोबत राहू लागला. त्यावेळी त्याला आजवर कधीच माहिती नसलेलं तिच्याबाबतचं सत्य समजलं. आता त्याची अवस्था अशी झाली आहे की त्याला सहनही होईना आणि सोडताही येईना. सोशल मीडिया रेडिटवर या तरुणाने आपल्या  रिलेशनशिपबाबतचा हा किस्सा सांगितला आहे.

हे वाचा - तिच्यासाठी Moon Tour चं तिकीटही बुक! खरंच बायकोला चंद्रावर नेणारा असा जगातला पहिला नवरा

त्याने सांगितलं की त्याच्या गर्लफ्रेंडच्या एका सवयीने तो हैराण झाला आहे. तिच्यासोबत गेल्या तीन वर्षांपासून तो रिलेशनशिपमध्ये होता. त्यानंतर दोघं एकत्र एकाच घरात राहू लागले. तेव्हा त्याला समजलं की त्याची गर्लफ्रेंड दोन आठवड्यातून एकदाच अंघोळ करते. हे सत्य ऐकून तो हैराण झाला. जोपर्यंत तो तिच्यासोबत राहत नव्हता तोपर्यंत त्याला त्याच्या या सवयीबाबत माहितीच नव्हतं.