कल्याण, 13 जुलै : पावसाळा सुरू झाला की, बऱ्याच ठिकाणी सापाचे दर्शन होत असते. पावसाळा हा सापांच्या प्रजनाचा उत्तम काळ असतो. त्यामुळे अनेक ठिकाणी सर्प हे अंडी घालत असतात. कल्याणमध्ये एका वनविभागाच्या कार्यालयात अत्यंत विषारी समजल्या जाणाऱ्या कोब्रा जातीच्या सापाच्या पिल्लांचा अनोखा जन्मत्सोव सोहळा पार पडला. तब्बल 13 पिल्लं अंडीतून बाहेर आली.
दीड महिन्यापूर्वी कल्याण पश्चिमेकडील गांधारी परिसरातील मानवी वस्तीत नाग असल्याची माहिती मिळाली होती. त्यानंतर सर्पमित्र सुहास पवार, दत्ता बोंबे आणि टीमने घटनास्थळी धाव घेऊन नागाला पकडले. पकडलेला साप ही मादी जातीचा किंग कोब्रा वर्गातील साप अंडी देण्याच्या अवस्थेत असल्याचे आढळून आले होते.
त्यामुळे सर्पमित्रांनी या नागिणीला वनविभागाच्या कार्यालयात सुरक्षित ठेवले होते. याठिकाणी या नागिणीने 13 अंडी घातली. यानंतर या नागिणीला सुरक्षित जंगलात सोडण्यात आले.
सुमारे दीड महिना या अंड्याची कृत्रिम रीतीने जोपासना करण्यात आली होती. आज या सर्व अंड्यातून नागाची पिल्ले बाहेर निघाली. लवकरच या पिल्लांना देखील जंगलात सोडले जाणार असल्याचे सर्प मित्र सुहास पवार यांनी सांगितलं.
कोब्रा जातीच्या सापाने क्रोबाला गिळले
दरम्यान, मागील आठवड्यात कोब्रा नागाचा पु्ण्यातला एक व्हिडिओ व्हायरल झाला होता. भुकेल्या स्पेक्टिकल कोब्रा(नाग) या जातीच्या विषारी सापाने त्याच जातीच्या सापाला भक्ष बनवून गिळल्याचा व्हिडिओ समोर आला. पुणे येथील सिंहगड पायथ्याशी काही सर्प मित्रांनी हा व्हिडिओ काढला होता.
या व्हिडिओमध्ये एका सापाने दुसऱ्या सापाला जिवंत गिळल्याचं या व्हिडिओ स्पष्ट दिसत आहे. जेव्हा या मोठ्या सापाने गिळण्यास सुरुवात केली होती. तेव्हा या लहानश्या सापाने फारसा प्रयत्न केला नाही. पण, जेव्हा आता आपण पूर्णपणे या सापाच्या पोटात जाणार आहोत, हे समजल्यावर तोंडाशी आल्यावर या लहान सापाने मोठ्या सापाच्या तोंडाला चावा घेतला. स्वतःचा जीव वाचवण्यासाठी जीवाच्या आकांताने या लहान सापाने सापाला जोरात हल्ला केला. पण मोठ्या सापाच्या तावडीतून याची काही सुटका झाली नाही. अखेर या मोठ्या सापाने पूर्णपणे साप गिळला.
पण म्हणता ना, लहान तोंडी मोठा घास कधी घेऊ नये, असाच काहीसा प्रकार या सापासोबत झाला. मोठ्या सापाने लहान सापाला गिळल्यानंतर पचवू शकला नाही, तेव्हा त्याने या सापाला बाहेर काढलं.
SSR Death Case: वाद पेटला! बिहारचा FIR राजकीय हेतूने, मुंबई पोलिसांचा आरोप
दिवसभरात मोदी सरकारमधले दुसरे मंत्री COVID-19 पॉझिटिव्ह
चीनला सर्वात मोठा झटका देण्याची तयारी; गडकरींनी सांगितला काय आहे प्लान
पहिल्या कसोटीत इंग्लंडचा दणदणीत विजय, 2 वर्षानंतर पाकला चारली धूळ
RBI ते सर्वात मोठे 5 निर्णय! ग्राहकांसाठी चेक आणि कर्जासंदर्भातील नियम बदलले
तुम्हालाही रात्री झोपेत अचानक जाग येते का? असू शकतं गंभीर समस्येचं लक्षण
भारतीय रेल्वेची मेहनत यशस्वी! लवकरच वीज व डिझेलविना ट्रेन धावणार, हा खास VIDEO
याला म्हणतात जुगाड! पठ्ठ्याने ऑडीची बनवली चक्क घोडागाडी, पाहा PHOTO
