5 वाघांच्या तावडीत सापडला कुत्रा; आधी जवळ आले अन् मग...., थरकाप उडवणारा VIDEO

नवी दिल्ली 13 ऑक्टोबर : जंगलाचं नाव ऐकताच डोळ्यांसमोर एकापेक्षा एक भयानक प्राण्यांची (Wild Animals) चित्रे उभा राहतात. कारण, जंगलात असे अनेक प्राणी राहतात, ज्यांच्यासमोर एक मिनिटही उभा राहाणं, म्हणजे मरणाच्या दारात उभा राहिल्याप्रमाणे आहे. जंगलात तसे तर अनेक प्राणी राहतात. मात्र वाघाचा (Tiger) दरारा वेगळाच असतो. याच कारणामुळे बहुतेक प्राणी वाघापासून दूर राहण्यातच भलं समजतात. मात्र, अनेकदा आपल्याला अशा काही गोष्टी पाहायला मिळतात, ज्यांच्यावर विश्वास बसत नाही. कारसोबत रेस लावणं तरुणाला भोवलं; बाईकसह हवेत उडाला अन्..., पाहा Shocking Video सध्या सोशल मीडियावर एक व्हिडिओ व्हायरल (Video Viral on Social Media) होत आहे. हा व्हिडिओ पाहून तुम्हीही अचंबित व्हाल. सोशल मीडियावर पोस्ट केलेल्या या व्हिडिओमध्ये दिसतं, की एक कुत्रा जमिनीवर बसलेला आहे आणि त्याच्या आजूबाजूला अनेक वाघ आहेत (Tiger Attack on Dog). हा व्हिडिओ पाहून सुरुवातीला वाटतं, की आता कुत्र्याची सुटका नाही. मात्र, हा व्हिडिओ पाहून तुम्हालाही आश्चर्य़ाचा धक्का बसेल.

View this post on Instagram

A post shared by Travel | Nature | Adventure (@yournaturegram)

वाघ कुत्र्याच्या जवळ जातो आणि वास घेऊ लागतो. यानंतर तो कुत्र्याला स्पर्श करू लागतो. हे पाहून कुत्रा थोडा घाबरल्यासारखा दिसतो. दोन वाघ वरती दगडावरही बसलेले दिसतात. याचदरम्यान एक पांढरा वाघ तिथे येतो. तो कुत्र्याच्या जवळ जाऊन थांबतो आणि कुत्र्याचा वास घेण्याचा प्रयत्न करतो. इतक्यात आणखी दोन वाघ तिथे येतात. आता कुत्रा पाच वाघांच्या मध्ये अडकतो. मात्र, यापुढे नेमकं काय घडलं हे माहिती नाही. कुत्र्यासोबत अखेर काय झालं, हे जाणून घेण्यासाठी अनेकजण उत्सुक आहेत. VIDEO: वहिनीच्या उत्तरावर दिराची विचित्र रिअ‍ॅक्शन ; ऐकताच भावजयीनं लगावली चापट या व्हिडिओवर अनेकांनी प्रतिक्रिया दिल्या आहेत. एका व्यक्तीनं लिहिलं, हे पाहून मला खरंच भीती वाटत आहे. दुसऱ्या एका यूजरनं लिहिलं, की कदाचित हा कुत्रा या वाघांसोबतच मोठा झाला आहे. त्यामुळे त्याला त्यांच्यासोबत सुरक्षित वाटत असावं. इतरही अनेकांनी यावर कमेंट केल्या आहेत. हा व्हिडिओ yournaturegram नावाच्या इन्स्टाग्राम हँडलवरुन शेअर केला गेला आहे. बातमी देईपर्यंत हा व्हिडिओ २० लाखाहून अधिकांनी पाहिला आहे.