WEF : राज्याचं शिष्टमंडळ दावोसमध्ये, सरकारला विविध क्षेत्रांत 25,000 कोटींच्या गुंतवणुकीची अपेक्षा

दावोस (स्वित्झर्लंड), 22 मे : महाराष्ट्राच्या राज्य शिष्टमंडळाने आज दावोस येथे स्वतःच्या पॅव्हेलियनचं उद्घाटन केले. महाराष्ट्र राज्य WEF, दावोस येथे टीम इंडियाचा एक भाग म्हणून सहभागी होत आहे. भारताची अर्थव्यवस्था $5 ट्रिलियन करण्यात राज्याच्या भूमिकेचं प्रतिनिधित्व करण्यासाठी हे शिष्टमंडळ पोहोचलं आहे.

राज्याच्या शिष्टमंडळाचं नेतृत्व पर्यावरण आणि हवामान बदल मंत्री आदित्य ठाकरे (Environment and Climate Change Minister Aditya Thackeray), उद्योग मंत्री सुभाष देसाई (Industry Minister Subhash Desai) आणि ऊर्जा मंत्री डॉ. नितीन राऊत (Energy Minister Dr. Nitin Raut) करत आहेत आणि मंत्री आशिष कुमार सिंह आहेत. ACS इंडस्ट्रीजचे बलदेव सिंग, महावितरणचे एमडी विजय सिंघल, एमआयडीसीचे सीईओ डॉ पी. अनबलगन यांच्यासह इतरजण उपस्थित आहेत.

वर्ल्ड इकॉनॉमिक फोरम (World Economic Forum) हा एक वार्षिक कार्यक्रम आहे. याअंतर्गत आठवडाभर चालणाऱ्या कार्यक्रमादरम्यान अनेक महत्त्वाच्या जागतिक भागीदारी तयार केल्या जातात. राज्यात गुंतवणूक आकर्षित करण्यासाठी महाराष्ट्राने मॅग्नेटिक महाराष्ट्र 2.0 कार्यक्रम सुरू केला होता. आतापर्यंत, MM 2.0 उपक्रमात मुख्यमंत्री उद्धव ठाकरे 1.89 लाख कोटी रुपयांच्या नवीन गुंतवणुकीसह INR 2 लाख कोटींपेक्षा जास्त FDI आकर्षित करण्यात यशस्वी झाले आहेत, जे भारतात सर्वाधिक आहे. MIDC ची मॅग्नेटिक महाराष्ट्र 2.0 ची 10वी आवृत्ती वर्ल्ड इकॉनॉमिक फोरममध्ये कार्यान्वित करण्याची योजना आहे.

हे वाचा - राज्यसभेच्या सहाव्या जागेच्या मुद्द्याला मोठं वळणं; संभाजी राजेंनी स्वीकारलं मुख्यमंत्र्यांचं आमंत्रण

हे वाचा - 'उंटाच्या तोंडात जिरे'! पेट्रोल डिझेलच्या दर कपातीनंतर ठाकरे सरकारवर फडणवीसांची खरमरीत टीका

राज्याने ग्लोबल प्लॅस्टिक अॅक्शन पार्टनरशिप (“GPAP”) सह सामंजस्य करारावर स्वाक्षरी केली आणि महाराष्ट्र प्लास्टिक अ‌ॅक्शन पार्टनरशिप (महाराष्ट्र PAP) सुरू केली, जी राज्यातील शाश्वत विकासासाठी रोडमॅप म्हणून काम करेल. 2018 मध्ये एकेरी वापराच्या प्लास्टिकवर बंदी घालणारे महाराष्ट्र हे पहिले राज्य होते आणि विकास आणि हवामान बदल संतुलित करण्यासाठी आक्रमक धोरणे आणि कृती योजनांसह शाश्वत विकासात आघाडीवर आहे. पर्यावरण मंत्र्यांनी द्विपक्षीय पर्यावरणीय सहकार्य वाढवण्यासाठी UAE च्या पर्यावरण मंत्री मारिया अल म्हेरी यांची आणि भंगार सामग्रीचा पुनर्वापर आणि पुनर्निर्माण करणाऱ्या बेल्जियमस्थित बहुराष्ट्रीय कंपनी जेमिनी कॉर्पोरेशनचे अध्यक्ष सुतेंद्र पटवारी यांचीही भेट घेतली.