)
नवी दिल्ली, 19 ऑक्टोबर : रिलायन्स जीओ (reliance jio) आपला नवा स्वस्तातला 5 जी स्मार्टफोन (Jio 5G Phone) बाजारात आणण्याची योजना आखत आहेत. हा फोन सुरुवातीला केवळ 5000 रुपयांत लाँच करण्याची योजना आहे. पुढील काळात विक्रीत वाढ झाल्यानंतर किंमत कमी करुन 2500-3000 रुपयांपर्यंत करण्याची योजना आहे. कंपनी या योजनेंतर्गत सध्या 2 जी (2 G)कनेक्शनचा वापर करणाऱ्या 20-30 कोटी मोबाईल युजर्सला लक्ष्य करत आहे. कंपनीच्या एका अधिकाऱ्याने दिलेल्या माहितीनुसार, जीओ फोनची (Jio 5G Phone) किंमत 5000 हूनही कमी ठेवण्याची योजना आहे. विक्री वाढल्यानंतर किंमती 2500-3000 रुपयांपर्यंत होऊ शकतात. सध्या भारतात मिळणाऱ्या 5जी स्मार्टफोनची किंमत 27000 रुपयांपासून सुरू होते. (वाचा - आता फक्त 19 मिनिटांत चार्ज होणार तुमचा स्मार्टफोन; या कंपनीची जबरदस्त टेक्नोलॉजी ) रिलायन्स इंडस्ट्रीचे अध्यक्ष आणि व्यवस्थापकीय संचालक मुकेश अंबानी यांनी, कंपनीच्या 43व्या वार्षिक सर्वसाधारण सभेत भारताला 2 जी मुक्त करण्याबाबत म्हटलं होतं. त्यासोबतच एका स्वस्त 5जी स्मार्टफोनच्या आवश्यकतेवरही जोर दिला होता. (वाचा - JIO च्या सब्सक्राइबर्समध्ये मोठी वाढ; एयरटेल, वोडाफोन-आयडियाला मोठं नुकसान ) दरम्यान, कंपनी आपल्या 5 जी नेटवर्क उपकरणांवरदेखील काम करत आहे. तसंच दूरसंचार मंत्रालयाला या उत्पादनांच्या चाचणीसाठी स्पेक्ट्रमचं वाटप करण्याच्या सूचनाही दिल्या आहेत. सरकारकडून याबाबत अद्याप कोणताही निर्णय घेण्यात आलेला नाही.
(वाचा - ..अन्यथा अडचण वाढणार; वाहनांवरील Number Plate बाबत RTO ची महत्त्वपूर्ण घोषणा )
नुकतंच, टेलिकॉम रेग्युलेटरी अथॉरिटी ऑफ इंडियाकडून (TRAI) जाहीर करण्यात आलेल्या आकडेवारीनुसार, Jioच्या सक्रिय ग्राहकांच्या संख्येत जुलैमध्ये 25 लाखांची वाढ झाली आहे. जुलै 2020 मध्ये जीओच्या सक्रिय ग्राहकांची संख्या 31.3 कोटी होती.
+6
फोटो
