हायवेवर आपात्कालीन परिस्थितीसह नेटवर्कचीही समस्या आहे? टेन्शन नको, जाणून घ्या सोपा उपाय

नवी दिल्ली, 22 मार्च : देशात हायवेच्या वाढत्या संख्येसह, हायवेवर होणाऱ्या अपघातांचं प्रमाणही वाढतं आहे. सर्वसाधारणपणे हायवे अशा भागातून जातो, जेथे नेटवर्कची समस्या येते. अशावेळी हायवेवर एखाद्या आपतकालीन परिस्थितीत जर एखाद्या पोलीस, हॉस्पिटल किंवा एखाद्या अथॉरिटीशी संपर्क करायचा असल्यास, नेटवर्क नसल्याने मोठी समस्या येते. अशावेळी फोनमध्ये नेटवर्क नसल्यास, जाणून घ्या काय कराल...

नॅशनल हायवे अथॉरिटीच्या गाईडलाईन्सनुसार, हायवेवर प्रत्येक 1 किंवा 2 किलोमीटरवर SOS (save our soul) बॉक्स लावलेला असतो. हा बॉक्स सोलर पॉवरने चालतो. त्यामुळे हे डाउन होण्याचं किंवा पॉवर कट होण्याची कोणतीही समस्या नसते. आपतकालीन परिस्थितीत या SOS बॉक्सचा वापर करता येऊ शकतो.

(वाचा - या ट्रॅफिक नियमांचं उल्लंघन केल्यास होणार 1 वर्ष जेल,भरावा लागेल 10000 रुपये दंड)

- हायवेवरुन जाताना तुमच्या जवळपास एक बॉक्स पाहावा लागेल, जो लाल रंगाचा असेल.

- त्या बॉक्सजवळ कॉल बटन प्रेस करुन उत्तराची वाट पाहावी लागेल.

(वाचा - जुन्या वाहनांच्या RC रिन्यूवलचा खर्च अनेक पटीने वाढणार; असा आहे सरकारचा प्लॅन)

- त्यानंतर तुमचा संपर्क ऑपरेटरशी होईल. त्या ऑपरेटरला तुमची समस्या सांगू शकता.

(वाचा - जाणून घ्या किती Apps आणि Websites शी लिंक आहे तुमचा Gmail पासवर्ड?असं करा डिलिंक)

या SOS बॉक्समध्ये इनबिल्ट GPS असतो. या GPS च्या लोकेशनची माहिती सहजपणे कॉल ऑपरेटरला मिळते. या बॉक्सच्या साहाय्याने हायवेवर कठिण काळात तुम्हाला लवकरात लवकर मदत मिळू शकते.