IRCTC Ticket: ट्रेनचे तिकीट रद्द केल्यावर लगेच मिळेल रिफंड; काही मिनिटांत होईल बुकींग; फॉलो करा ही प्रोसेस

मुंबई, 17 जून : भारतीय रेल्वेमध्ये प्रवास करण्यासाठी बहुतेक प्रवासी IRCTC च्या इंटरनेट तिकीट वेबसाइटवरून तिकीट बुक (Indian Railway Ticket Booking) करतात. IRCTC च्या म्हणण्यानुसार, एकूण आरक्षित तिकिटांपैकी सुमारे 83 टक्के तिकिटे याद्वारे बुक केली जातात. अशा परिस्थितीत, ऑनलाइन रेल्वे तिकीट रद्द करण्याचे प्रमाण देखील सर्वात जास्त आहे. काहीवेळा तिकीट रद्द केल्यावर रिफंड (Refund) मिळण्यास बराच वेळ लागतो आणि पैसे मिळतील की नाही याचं आपल्याला टेंशन येते. हा तणाव दूर करण्यासाठी आयआरसीटीसीने विशेष सेवा सुरू केली आहे.

नवीन सेवेद्वारे, जर एखाद्या प्रवाशाने IRCTC वेबसाइटवर ट्रेनचे तिकीट रद्द केले, तर रिफंड त्याच्या खात्यात त्वरित पोहोचेल. पण यासाठी तुम्हाला IRCTC-ipay पेमेंट गेटवे इन्स्टॉल करावे लागेल. IRCTC च्या ipay चे खास वैशिष्ट्य म्हणजे ते तिकीट बुक करताना लागणारा वेळ कमी करते आणि त्यामुळे वापरकर्त्यांना त्यांच्या बँक खात्यात लवकरात लवकर पैसे परत मिळतात. आज आपण IRCTC ipay अ‍ॅपद्वारे रेल्वे तिकीट बुक करण्याची प्रक्रिया समजून घेऊया.

हेही वाचा: 5G Internet Service: आता येणार इंटरनेट स्पीडचा बाप! 'या' महिन्यात होईल सुरू, इतका असेल वेग

IRCTC ipay अ‍ॅपद्वारे ट्रेनचे तिकीट कसे बुक करावे?

• प्रथम IRCTC ipay अ‍ॅप उघडा. त्यानंतर तुमचा IRCTC आयडी आणि पासवर्ड टाका.
• यानंतर प्रवासाची तारीख आणि प्रवासाच्या ठिकाणाचं नाव (Destination) भरा..
• आता त्या मार्गाच्या सर्व गाड्यांची यादी तुम्हाला दिसेल.

हेही वाचा: बजाजची लोकप्रिय बाईक Pulsar नव्या रूपात होणार लाँच; जाणून घ्या खास वैशिष्ट्ये

• रेल्वे तिकीट बुकिंगचे पेमेंट करताना तुम्ही 'IRCTC iPay' चा पर्याय निवडा.
• पुढे Pay and Book पर्याय निवडा.
• तुम्ही क्रेडिट कार्ड, डेबिट कार्ड किंवा UPI द्वारे पेमेंट करू शकता.
• तुमचे तिकीट लगेचच बुक होईल.
• तिकीट बुक झाल्याचा मॅसेज तुमच्या मेल आणि एसएमएसवर येईल.
• विशेष बाब म्हणजे भविष्यात तुम्ही पुन्हा तिकीट बुक केल्यास तुम्हाला पेमेंट तपशील पुन्हा भरावा लागणार नाही, पे बटणावर क्लिक करून तुम्ही लगेच तिकीट बुक करू शकाल.