)
नवी दिल्ली, 20 मार्च : तुम्ही फेसबुक (Facebook) वापरत असाल, तर तुमच्यासाठी महत्त्वाची बातमी आहे. सोशल मीडिया कंपनी फेसबुक अशा लोकांचं अकाउंट लॉक करत आहे, ज्यांनी फेसबुक प्रोटेक्ट अॅक्टिवेट (Facebook Protect) केलं नाही. मार्च महिन्याच्या सुरुवातीला फेसबुकने याबाबत युजर्सला मेल पाठवले होते. मेलमध्ये तुमच्या अकाउंटला अ‍ॅडव्हान्स सिक्योरिटीची (Advanced Security) फेसबुक प्रोटेक्टची (Facebook Protect) गरज असल्याचं सांगण्यात आलं होतं. The Verge च्या रिपोर्टनुसार, कंपनी युजर्सला 17 मार्चपर्यंत Facebook Protect ऑन करण्यासाठी मेल पाठवत होती. असं न केल्यास अकाउंट लॉक करण्याचंही त्यात सांगण्यात आलं होतं. security@facebookmail.com कडून हा मेल पाठवण्यात आला होता. परंतु हा मेल अनेक युजर्सच्या स्पॅम फोल्डरमध्ये गेला. कंपनीने हाय-रिस्क युजर्सला 17 मार्चपर्यंत अकाउंट प्रोटेक्ट (Facebook Account Protect) करण्यासाठी सांगितलं होतं.
हे वाचा - तुमचं Facebook Account कसं कराल रिकव्हर, पाहा सोपी प्रोसेस
असं अॅक्टिवेट करा Facebook Protect - सर्वात आधी फेसबुक टॉप राइट कॉर्नरमध्ये डाउनवार्ड फेसिंग अॅरोवर क्लिक करा. आता Settings and Privacy मध्ये Settings मध्ये जा. त्यानंतर Security and Login वर क्लिक करा. त्यानंतर Facebook Protect मध्ये Get Started वर क्लिक करा. आता Next वर क्लिक करुन पुढील प्रोसेस करा.
हे वाचा - Facebook अनिवार्य करणार Two-Factor Authentication, कसं कराल अॅक्टिवेट
दरम्यान, फेसबुकवर एखादी आक्षेपार्ह कमेंट करणं महागात पडू शकतं. इतकंच नाही, तर जेलची हवाही खावी लागू शकते. सोशल मीडियाच्या वाढत्या वापरात सोशल मीडिया प्लॅटफॉर्म सुरक्षित ठेवण्यासाठी प्रयत्न केले जातात. फेसबुकवर असे काही युजर्स आहेत, जे इतरांच्या पोस्टवर चुकीच्या कमेंट्स (Facebook Inappropriate Comment) करुन त्यांना बदनाम करण्याचा, त्रास देण्याचा प्रयत्न करतात. अशा युजर्सच्या कमेंट्सवर फेसबुक कारवाई करू शकतं. तुमची एक चूक गंभीर गुन्ह्याअंतर्गत थेट जेलमध्ये पोहोचवू शकते.
+6
फोटो
