• Home
  • »
  • News
  • »
  • technology
  • »
  • Aadhaar Card: तुमचं ई-आधार व्हॅलिड आहे का? जाणून घ्या सविस्तर

Aadhaar Card: तुमचं ई-आधार व्हॅलिड आहे का? जाणून घ्या सविस्तर

E-Aadhaar: कोणत्याही कामासाठी आधारची आवश्यकता भासल्यास सहजपणे ई-आधार दाखवता येते. दरम्यान हे ई-आधार किती वैध आहे आणि त्याचा कुठे वापर करता येतो?

  • Share this:
    मुंबई, 09 ऑक्टोबर: सध्या महत्त्वाची असणारी सर्व कागदपत्र डिजिटली वापरण्याची सुविधा देण्यात येते आहे. सर्वात महत्त्वाचा दस्तावेज म्हणजे आधार कार्डची देखील अनेकजण हार्ड कॉपी (Hard Copy of Aadhaar Card) न वापरता ई-आधार वापरण्याला पसंती देतात. कोणत्याही कामासाठी आधारची आवश्यकता भासल्यास सहजपणे ई-आधार दाखवता येते. दरम्यान हे ई-आधार किती वैध (How Valid is E-Aadhaar?) आहे आणि त्याचा कुठे वापर करता येतो? असा सवाल उपस्थित राहत असेल. जाणून घ्या सर्व प्रश्नांची उत्तरं. ई-आधारच्या वैधतेबाबत (Validity of E-aadhaar)आधार कार्ड जारी करणारी संस्था UIDAI च्या वेबसाइटवर महत्त्वाची माहिती देण्यात आली आहे. यानुसार ज्याप्रमाणे तुमचं मुळ आधार कार्ड किंवा आधार कार्डची हार्ड कॉपी जेवढी वैध आहे तेवढीच वैधता ई-आधारला आहे. अर्थात ई-आधारही योग्य दस्तावेज आहे.  इंटरनेटच्या माध्यमातून डिजिटली याचा वापर केला जात असल्याने त्याला ई-आधार (E-Aadhaar) म्हटले जाते. हा इलेक्ट्रॉनिक दस्तावेज पासवर्डने सुरक्षित असतो. तुम्ही UIDAI च्या साइटवर जाऊन ही इलेक्ट्रॉनिक कॉपी मिळवू शकता. वाचा-तुमच्या सुरक्षेसाठी Googleने टाकलं महत्त्वाचं पाऊल, आता करावं लागणार केवळ हे काम ई-आधार मिळवण्यासाठी तुमच्याकडे आधार कार्ड क्रमांक असणे आवश्यक आहे. आधार क्रमांक नसल्यास एनरोलमेंट नंबर असला तरी चालेल. शिवाय तुम्हाला पूर्ण पत्ता द्यावा लागेल. आधार कायद्यानुसार, आधार कार्डच्या हार्ड कॉपी प्रमाणेच ई-आधार सर्व कामांसाठी व्हॅलिड आहे. ज्याठिकाणी डिजिटली काम होते, त्या सर्व ठिकाणी ही कॉपी मान्य केली जाईल. https://uidai.gov.in/images/uidai_om_on_e_aadhaar_validity.pdf   या लिंकवर क्लिक करून तुम्ही ई-आधारच्या वैधतेविषयी अधिक माहिती मिळवू शकता. वाचा-QR Code ने पेमेंट करताना सावधान, अशी घ्या काळजी कशाप्रकारे कराल डाउनलोड? आधार कार्ड क्रमांक किंवा आधार एनरोलमेंट नंबर प्रविष्ट करून तुम्ही ई-आधार डाऊनलोड करू शकता. या डाउनलोडिंच्या प्रक्रियेदरम्यान तुमच्या रजिस्टर्ड मोबाइल क्रमांकावर ओटीपी प्राप्त होईल.
    Published by:Janhavi Bhatkar
    First published: