काय तो योगायोग! चेहरे तेच, फक्त जर्सी अन् टीम बदलली; निकोलस पूरनने शेअर केला चौघांचा तो Photo

मुंबई, 19 एप्रिल: यंदाच्या आयपीएल(IPL 2022) महकुंभातील प्रत्येक फ्रेचायझीने मेगा ऑक्शनदरम्यान, आपल्या संघासाठी अनेक खेळाडूंना रिटेन केले आहे तर काही खेळाडूंना डच्चू दिला आहे. त्यामुळे अनेक खेळाडू वेगवेगळ्या संघात पाहायला मिळत आहेत. अशातच वेस्ट इंडिजचा क्रिकेटपटू निकोलस पूरनने( Pooran took to his official Twitter handle and shared a throwback picture from 2016) एक थ्रोबॅक फोटो शेअर करत आठवणींना उजाळा दिला आहे. निकोलस पूरन यंदाच्या आयपीएल हंगामात सनरायझर्स हैदराबाद (SRH) फ्रँचायझीसाठी खेळत आहे. रविवारी पंजाब किंग्ज (PBKS) विरुद्ध सनरायझर्स हैदराबाच्या सामन्यात यष्टीरक्षक फलंदाजाने 30 चेंडूत 35 नाबाद धावांची सामना जिंकणारी खेळी खेळली आणि संघाला हंगामातील चौथा विजय मिळवून देण्यात मदत केली. दरम्यान, सामन्यानंतर पूरनसह सनरायझर्स हैदराबादचा सहकारी श्रेयस गोपाल आणि जगदीशा सुचित, पंजाब किंग्ज खेळाडू जितेश शर्मा सोबत पोज देतानाचा एक फोटो व्हायरल होत आहे. या मॅचनंतर सोमवारी संध्याकाळी पूरनने त्याच्या अधिकृत ट्विटर अकाऊंटवर 2016 मधील एक फोटो शेअर केला. या फोटोमध्ये दोन संघ वेगवेगळे दिसत असले तरी खेळाडू तेच आहेत. चेहरे तेच असून केवळ जर्सी बदलली आहे. हा फोटो शेअर करताना पूरनने खास कॅप्शनदेखील दिली आहे. "काय योगायोग आहे, 6 वर्षांपूर्वीचीच स्थिती आहे". असे त्याने कॅप्शमध्ये म्हटले आहे.

What a coincidence, same position as 6 years ago 👏👏. pic.twitter.com/H0qxJxgQAB

— NickyP (@nicholas_47) April 18, 2022

हा पोस्ट केलेला फोटो कोलाज आहे. या फोटोमध्ये तेच खेळाडू 6 वर्षापूर्वी मुंबई इंडियन्सच्या जर्सीमध्ये दिसतात तर आता ते हैदराबादकडून खेळताना दिसत आहेत. आयपीएल मेगा ऑक्शनदरम्यान, पूरनला हैदराबादने 10.75 कोटी रुपयांना विकत घेतले. त्याने 2019 मध्ये आयपीएलमध्ये पदार्पण केले तेव्हा त्याला पंजाबने 4.20 कोटींना विकत घेतले होते. त्याच वेळी, श्रेयस गोपाल राजस्थान रॉयल्ससह चार हंगाम खेळल्यानंतर लिलावात 75 लाखांच्या रकमेसाठी हैदराबादमध्ये सामील झाला. त्याने 2014 मध्ये आयपीएलमध्ये पदार्पण केले होते. दुसरीकडे, जितेश शर्माने चालू हंगामात आयपीएलमध्ये पदार्पण केले आणि चार सामन्यांमध्ये 176.47 च्या स्ट्राइक रेटने 90 धावा केल्या. जगदीशा सुचितने या हंगामात हैदराबादसाठी दोन गेम खेळले आहेत, 2015 मध्ये त्याचे पदार्पण झाले आहे. KKR vs RR मॅचदरम्यान तू-तू मैं-मैं , फिंच आणि कृष्णामध्ये शाब्दिक चकमक, VIDEO रविवारच्या सामन्यात, जितेशने पीबीकेएससाठी आठ चेंडूत 11 धावा केल्या, तर सुचित पहिल्या डावात चार षटकात 1/28 च्या आकड्यांसह परतला. पूरनने 30 चेंडूत एका चौकार आणि एका षटकाराच्या मदतीने 35 धावा केल्या आणि एसआरएचला 152 धावांचे लक्ष्य एक षटक शिल्लक असताना पूर्ण करण्यास मदत केली.