)
दोहा-कतार, 20 नोव्हेंबर: रविवारी कतारच्या अल बायत स्टेडियमवर यंदाच्या फिफा वर्ल्ड कपचं बिगुल वाजलं. पण वर्ल्ड कपला सुरुवात होऊन दोन दिवसही उलटले नाहीत तोच या स्पर्धेदरम्यान एक वादग्रस्त बाब समोर आली आहे. स्पर्धेच्या दुसऱ्या दिवशी इंग्लंड आणि इराण संघातला सामना पार पडला. या सामन्याआधी जेव्हा इराणची टीम जेव्हा मैदानात उतरली तेव्हा त्यांच्या एका निर्णयानं अवघ्या फुटबॉलविश्वाचं लक्ष वेधून घेतलं. इराण टीमचा राष्ट्रगीत गायनास नकार इराण फुटबॉल टीमनं फिफा वर्ल्ड कपच्या आपल्या सलामीच्या सामन्यात राष्ट्रगीत गायनास नकार दिला. कतारची राजधानी दोहामधल्या खलिफा इंटरनॅशनल स्टेडियममध्ये इंग्लंड आणि इराण संघातला हा सामना खेळवला गेला. पण जेव्हा इराणचं राष्ट्रगीत सुरु झालं तेव्हा इराणी खेळाडू निमूटपणे उभे होते. पण इराणच्या खेळाडूंनी असं का केलं? सप्टेंबरमधील ती घटना आणि विरोध… दरम्यान हा विरोध होता सप्टेंबरमध्ये घडलेल्या एका घटनेसंदर्भात. सप्टेंबर 2022 मध्ये इराणी पोलिसांनी 22 वर्षीय तरुणीला हिजाब न घातल्याच्या आरोपाखाली अटक केली होती. याचदरम्यान पोलीस कस्टडीत असतानाच त्या तरुणीचा मृत्यू झाला. याच घटनेच्या निषेध म्हणून इराणच्या फुटबॉल टीमनं फिफा वर्ल्ड कपच्या मैदानात विरोध प्रदर्शन केलं.
#BREAKING: Iran national team players choose not to sing national anthem at World Cup match; some of the Iranian crowed booing their own national anthem pic.twitter.com/6tYqjloYYi
— Amichai Stein (@AmichaiStein1) November 21, 2022
इंग्लंडकडून इराणचा फडशा दरम्यान इराणविरुद्धचा हा सामना इंग्लंडनं 6-2 अशा फरकानं जिंकून विजयी सलामी दिली. इंग्लंडसमोर इराणचा बचाव कमकुवत ठरला.
A strong start to the #FIFAWorldCup for @England! 👊 #Qatar2022 pic.twitter.com/q7uW61H7ER
— FIFA World Cup (@FIFAWorldCup) November 21, 2022
पहिल्या हाफमध्येच साका, बेलिंगहॅम आणि रॅशफर्डच्या गोलच्या जोरावर इंग्लंडनं 4-0 अशी आघाडी घेतली होती. अखेर पूर्ण वेळेत इंग्लंडनं 6-2 ने हा सामना खिशात घातला.
+6
फोटो
