)
मुंबई, 28 एप्रिल : सनरायझर्स हैदराबादचा (Sunrisers Hyderabad) फास्ट बॉलर उमरान मलिकनं (Umran Malik) या आयपीएलमध्ये सर्वांना प्रभावित केले आहे. गुजरात टायटन्स विरूद्ध बुधवारी झालेल्या मॅचमध्ये उमराननं 25 रन देत 5 विकेट्स घेतल्या. त्यानं आत्तापर्यंत 8 मॅचमध्ये 15 विकेट्स घेतल्या आहेत. त्यापेक्षाही त्यानं सातत्यानं 145 किमी प्रती तास वेगानं बॉलिंग केली आहे. गुजरात विरूद्ध झालेल्या पहिल्या मॅचमध्येही उमराननं त्याच्या भन्नाट वेगाचा दरारा दाखवून दिला होता. उमरानचा बाऊन्सर गुजरातचा कॅप्टन हार्दिक पांड्याच्या (Hardik Pandya) हेल्मेटला लागला होता. बुधवारी वानखेडे स्टेडिअमवर झालेल्या मॅचमध्ये उमराननं या स्पेलमध्ये गुजरातचा ओपनर वृद्धीमान साहाला (Wriddhiman Saha) देखील आऊट केले. साहानं या मॅचमध्ये 38 बॉलमध्ये 11 फोर आणि 1 सिक्सच्या मदतीनं 68 रन काढले. मैदानात संपूर्णपणे सेट झालेल्या साहाला उमराननं त्याच्या वेगवान यॉर्करनं चुकवलं. 153 kph च्या स्पीडनं उमराननं टाकलेल्या बॉलवर साहाला काहीही करता आलं नाही. साहाची थेट दांडी उडाली. उमराननं या मॅचमध्ये 5 विकेट्स घेतल्या. त्यापैकी 4 जणांना त्यानं बोल्ड केलं. साहाला 152.8 किमी, डेव्हिड मिलरला 148.7 किमी, अभिनव मनोहरला 146.8 किमी तर शुभमन गिलला त्यानं 144.2 किमी प्रती तास (kph) गतीनं बोल्ड केलं. तर हार्दिक पांड्याला 141.1 किमी प्रती तास गतीनं मार्को जेनसनच्या हाती कॅच आऊट केलं. प्रत्येक मॅचमध्ये सुधारणा करणाऱ्या उमरान मलिकच्या बॉलिंगमुळे टीम इंडियाचे माजी कॅप्टन सुनील गावसकर (Sunil Gavaskar) चांगलेच प्रभावित झाले आहेत. उमरानचा तातडीनं टीम इंडियात समावेश करावा अशी थेट सूचना त्यांनी मॅचच्या दरम्यान कॉमेंट्री करताना दिली. इंग्लंड दौऱ्यावर 1 टेस्ट आणि लिमिटेड ओव्हर्सच्या सीरिजसाठी त्याची टीम इंडियात निवड करावी. बुमराह, शमी, सिराज आणि उमेश यांचा समावेश असलेल्या टीम इंडियाच्या प्लेईंग11 मध्ये त्याला कदाचित जागा मिळणार नाही. तरीही रोहित शर्मा, विराट कोहलीसारख्या खेळाडूंसोबत ड्रेसिंग रूम शेअर करण्याची संधी त्याला द्यायला पाहिजे असे गावसकर यांनी सांगितले. समांथा प्रभूच्या Oo Antava गाण्यावर थिरकला विराट, RCB च्या पार्टीत ‘पुष्पा गर्ल’ची जादू VIDEO भारत विरूद्ध इंग्लंड (India vs England) यांच्यात मागील वर्षी झालेल्या सीरिजमधील बाकी असलेली पाचवी आणि शेवटची टेस्ट टीम इंडिया जुलैमध्ये खेळणार आहे. त्यानंतर तीन वन-डे आणि तीन टी20 सामन्यांचीही मालिका खेळवली जाईल. इंग्लंड दौऱ्यापूर्वी भारतीय क्रिकेट टीम आयर्लंडमध्ये 2 टी20 सामने खेळणार आहे. या मालिकेची सुरूवात 26 जून रोजी होईल.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
