लग्न-साखरपुड्याची अंगठी अनामिका बोटातच का घातली जाते? हे आहे कारण

मुंबई, 22 सप्टेंबर : लग्न हा आयुष्यातील सर्वात आनंदाचा क्षण असतो. हिंदू रितीरिवाजानुसार लग्नामध्ये विविध विधी केले जातात. हिंदू विवाहाच्या परंपरेत लग्नाचे सर्व विधी साखरपुडा समारंभाने सुरू होतात, ज्यामध्ये होणारे वधू-वर दोघेही एकमेकांना अंगठी घालतात. या विधीमध्ये, मुलीच्या डाव्या हाताच्या अनामिका बोटामध्ये साखरपुड्याची अंगठी घातली जाते. अशा वेळी काहींच्या मनात असा प्रश्न येतो की, लग्नाची अंगठी किंवा साखरपुड्याची अंगठी नेहमी अनामिकेतच का घातली जाते? अनामिकेच्या बोटावर एंगेजमेंट किंवा वेडिंग रिंग घालण्याचे महत्त्व पंडित इंद्रमणी घनश्याल यांच्याकडून जाणून घेऊया. अनामिकाचे महत्त्व वैदिक ज्योतिषशास्त्रानुसार अनामिका हे प्रेम, उत्साह, तेज यांच्याशी संबंधित आहे. डाव्या हाताच्या तिसऱ्या बोटाला वैवाहिक जीवनात महत्त्वाचे स्थान असते. अनामिका जोडप्यामधील प्रेम दर्शवते. अनामिका हे दोन्ही जन्मापर्यंत एकत्र असण्याचे प्रतीक आहे, म्हणून या बोटात लग्नाची किंवा साखरपुड्याची अंगठी घातली जाते. कोणत्या आकाराची अंगठी योग्य - धार्मिक मान्यतेनुसार, एंगेजमेंट किंवा वेडिंग रिंग फक्त गोल आकाराची असावी. जोडीदारासोबतचे वर्तुळ संपत नाही हेच त्यामागचे कारण आहे. वैवाहिक संबंध चिरंतन राहण्यासाठी अनामिकेत गोल अंगठी घातली जाते. असे म्हटले जाते की डाव्या हाताचे तिसरे बोट थेट हृदयाशी संबंधित आहे, म्हणून तिसर्‍या बोटातही अंगठी घातली जाते. हे वाचा -   कोणतंही रत्न धारण करण्यापूर्वी जाणून घ्या या गोष्टी, फायद्याऐवजी नुकसान होऊ शकतं सूर्याशी संबंध ज्योतिषशास्त्रानुसार अनामिका सूर्य देवाशी संबंधित आहे. सूर्याला सर्व ग्रहांचा राजा म्हटले जाते. सूर्य कीर्ती, तेज आणि शक्तीचे प्रतीक आहे. अशा स्थितीत अनामिकामध्ये अंगठी घालणे शुभ असते. यामुळे तुम्हाला शक्ती मिळते आणि जीवनातील प्रिय व्यक्तींसोबतचे नाते प्रेमाशी निगडीत असते. त्यामुळे अनामिकेमध्ये एंगेजमेंट आणि लग्नाच्या अंगठ्या घालणे शुभ मानले जाते. हे वाचा -  येथे अजूनही रात्री सुरू असते श्रीकृष्णाची रासलीला; पाहणारे वेडे होतात, हरपतं भान (सूचना : येथे दिलेली माहिती धार्मिक श्रद्धेवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)

• Follow us on