Vastu Tips : घरात मेहंदीचे रोप लावणे शुभ की अशुभ, असे आहे वास्तुशास्त्राचे नियम

मुंबई, 25 ऑगस्ट : घर आकर्षक आणि हिरवेगार दिसण्यासाठी अनेक लोक घरात वनस्पती आणि रोपे लावतात. काही रोपे घराच्या आत लावली जातात, तर काही बाहेर किंवा बाल्कनीमध्ये लावतात. झाडे लावल्याने घर सुंदर तर दिसतेच, पण त्याचबरोबर वातावरणही शुद्ध होते आणि हिरवळही असते. मात्र, वास्तुशास्त्रानुसार सर्वच झाडे-रोपटी शुभ मानली जात नाहीत. वास्तुशास्त्रात मेहंदीच्या वनस्पतीबद्दल देखील सांगितले गेले आहे. दिल्लीचे आचार्य गुरमीत सिंग यांच्याकडून जाणून घेऊया घरात मेहंदी लावायची की नाही. मेहंदी लावणे (Vastu Tips For Mehendi Plant) घरासाठी शुभ की अशुभ? लग्नामध्ये किंवा इतर अनेक शुभप्रसंगी मेहंदीचा वापर केला जातो. करवा चौथ, हरतालिका तीज आणि वट सावित्री अशा अनेक सणांमध्येही मेहंदी लावणे शुभ आहे. विवाहित महिला लग्नाशिवाय इतर अनेक कार्यक्रम, सणामध्ये मेहंदी लावतात. पूजा, तीज-उत्सव आणि अनेक सणांमध्येही मेहंदीला विशेष महत्त्व आहे, पण घरात मेहंदीचे रोप लावावे का? मेहंदीच्या रोपाबद्दल वास्तुशास्त्र काय सांगते? मेहंदीच्या झाडाचा मधुर सुगंध तुम्हाला नक्कीच आकर्षित करू शकतो, परंतु हे रोप घरामध्ये लावणे टाळावे. असे मानले जाते की, मेहंदीच्या रोपामध्ये नकारात्मक ऊर्जा असते. मेहंदी लावलेल्या ठिकाणी नकारात्मक ऊर्जा वाहू लागते. वास्तूनुसार, नकारात्मक ऊर्जा घराच्या सुख-शांतीमध्ये अडथळे निर्माण करते, त्यामुळे घरात मेहंदीचे झाड लावू नका. हे वाचा -   नखांच्या आकारावरूनही समजतं स्वभाव आणि बरंच काही, या टिप्स वापरून ओळखा मेहंदीसोबत या झाडांनाही अशुभ मानले जाते - वास्तुशास्त्रामध्ये अशी काही झाडे आणि रोपे सांगितली आहेत, जी घरासाठी अशुभ मानली जातात. ही झाडे आणि रोपटी नकारात्मक ऊर्जा निर्माण करतात. वास्तुशास्त्रानुसार कापूस, बाभूळ आणि चिंच यासारखी झाडे आणि झाडे घरात लावू नयेत, त्यात मेहंदीचाही समावेश आहे. हे वाचा -  येथे अजूनही रात्री सुरू असते श्रीकृष्णाची रासलीला; पाहणारे वेडे होतात, हरपतं भान (सूचना : येथे दिलेली माहिती वास्तुशास्त्राच्या माहितीवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)

• Follow us on