)
मुंबई, 12 ऑक्टोबर : दिवाळी या पाच दिवसांच्या सणाची सुरुवात धनत्रयोदशीपासून होते. धनत्रयोदशी, नरक चतुर्दशीनंतर दिवाळीची समाप्ती भाऊबीज आणि त्यानंतर गोवर्धन पूजेने होते. दिवाळीच्या दिवशी गणेशासोबत लक्ष्मीची पूजा करण्याची परंपरा आहे. दिवाळीच्या दिवशी लक्ष्मी देवीचा विशेष आशीर्वाद मिळवायचा असेल तर या काही गोष्टी नक्की लक्षात ठेवा. पंचांगानुसार यंदा दिवाळीचा सण 24 ऑक्टोबरला साजरा होत आहे. यासोबतच या दिवशी नरक चतुर्दशीही साजरी केली जाणार आहे. दुसऱ्या दिवशी सूर्यग्रहण आहे. जाणून घ्या, दिवाळीच्या दिवशी लक्ष्मीपूजन करताना कोणत्या गोष्टी लक्षात ठेवाव्यात. लक्ष्मीपूजन करताना या गोष्टी लक्षात ठेवा - दिवाळीत महालक्ष्मीची पूजा करताना चौघडिया मुहूर्ताची (शुभ मुहूर्त) विशेष काळजी घ्या. असे मानले जाते की या मुहूर्तावर पूजा केल्याने देवी लक्ष्मी आपल्यावर प्रसन्न होते. दिवाळीच्या दिवशी देवी लक्ष्मीसह गणेश, भगवान कुबेर आणि माता सरस्वतीची पूजा करा. दिवाळीच्या दिवशी महालक्ष्मीसमोर सात तोंडी तुपाचा दिवा लावावा. असे केल्याने माता लक्ष्मीची कृपा सदैव राहते. दिवाळीच्या दिवशी पूजेच्या वेळी कलशाचीही स्थापना करावी. पितळेच्या, तांब्याच्या कलशात नारळ ठेवून त्यात पाणी भरून आंब्याची पाने घाला.
दिवाळीच्या दिवशी दारात तोरण जरूर बांधा. यासोबतच मुख्य दरवाजावर महालक्ष्मीच्या पावलांचे ठसे अशा प्रकारे लावावेत की ती बाहेरून आत येत असल्याचे दिसेल. महालक्ष्मीची पूजा करताना झेंडूची फुले, सिंघडा, बताशा, खीर, डाळिंब, पाने, पांढरी व पिवळी मिठाई, ऊस इ. वापरा. महालक्ष्मी आणि गणेशाची पूजा करताना हे लक्षात ठेवा की, तुमचे तोंड उत्तर किंवा ईशान्य दिशेला असावे. महालक्ष्मीसोबतच कुबेर यंत्र योग्य दिशेने ठेवा. असे केल्याने धनप्राप्ती होते. हे वाचा - Diwali 2022 : दिवाळीत पणती लावण्याची योग्य पद्धत माहिती आहे का? कुठल्या दिशेला असावी ज्योत? (सूचना : येथे दिलेली माहिती धार्मिक श्रद्धेवर आधारित आहे, याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)
+6
फोटो
