पुण्यात धक्कादायक प्रकार, रेणुकामाता मंदिराचा कळस गेला चोरीला

पुणे, 08 ऑगस्ट : राज्यात चोरीच्या अनेक धक्कादायक घटना समोर आल्या आहेत. अशात देवीचा कळस चोरीला गेल्याची घटना पुण्यात समोर आली आहे. शिरुर तालुक्यातील शिरुर शहरात असलेल्या रेणुकामाता मंदिराचा कळस चोरी झाल्याचा प्रकार घडला होता. मात्र, शिरुर पोलीस स्टेशनच्या तपासपथकाने व स्थानिक युवकांच्या मदतीने आरोपी चोरी गेलेल्या कळसासह अवघ्या दोन तासांत जेरबंद करण्यात पोलिसांना यश आले आहे.

याप्रकरणी प्रशांत आबा म्हस्के (रा.बाबुरावनगर,शिरुर) या आरोपीस कळस चोरी प्रकरणी अटक करण्यात आली आहे. शिरुर पोलिसांनी दिलेल्या माहितीनुसार, गुरुवारी (दि. 6) रोजी राञीच्या सुमारास शिरुर शहरानजीक डोंगरावर असलेल्या रेणुकामाता मंदिराचा कळस चोरी गेल्याबाबत शिरुर पोलिसांना माहिती मिळाली होती.

कोरोनाच्या संकटातही या राज्यात सुरू होती पाकिस्तानी घुसखोरी, BSF ने केलं ठार

घडलेल्या प्रकाराचे गांभिर्य लक्षात घेत शिरुर पोलीस स्टेशनचे तपास पथकाचे पोलिस उपनिरीक्षक गणेश जगदाळे यांनी वेगाने सुञे हलवत घटनास्थळी धाव घेतली. त्याचप्रमाणे पोलीस निरीक्षक प्रविण खानापुरे यांना माहिती देत तपास सुरू केला. यावेळी स्थानिकांनी सदर आरोपीस हटकले असल्याची माहिती पोलिसांना दिली.

राष्ट्रवादी आमदारांच्या लहान भावाचा भीषण अपघात, ट्रकच्या धडकेत जागीच मृत्यू

या मिळालेल्या माहितीच्या आधारे पोलिसांनी आरोपी प्रशांत याचा शोध घेत ताब्यात घेतले. आरोपीकडे अंदाजे 4 ते 5 किलो वजनाचा पंचधातुचा सुमारे 20 हजार रुपये किंमतीचा कळस मिळाला. शिरुर पोलीस स्टेशनला गुन्हा दाखल करण्यात आला असुन आरोपीस अटक करण्यात आली आहे. ही कामगिरी पोलिस निरीक्षक प्रविण खानापुरे यांच्या मार्गदर्शनाखाली पोलिस उपनिरीक्षक गणेश जगदाळे, पोलीस नाईक संजु जाधव, राजेंद्र गोपाळे, संतोष साळुंके, गोरक्षनाथ शिंदे, संतोष साठे, राहुल भागवत यांच्या पथकाने केली.