स्वस्त सोनं खरेदी करण्याची शेवटची संधी! 'या' सरकारी योजनेचा आज अखेरचा दिवस

स्वस्त सोन्यात गुंतवणूक करणाऱ्यांसाठी महत्त्वाची बातमी आहे. तुम्हाला दुकानापेक्षा कमी किंमतीत सोनं खरेदी करायचं असेल तर एक चांगली संधी आहे. आर्थिक वर्ष 2022-23 साठी सॉवरेन गोल्ड बाँड्सच्या चौथ्या सीरीजमध्ये गुंतवणूक करण्याचा आजचा शेवटचा दिवस आहे.

हा बाँड 6 मार्च 2023 रोजी सबस्क्रिप्शनसाठी खुला करण्यात आला होता. या योजनेअंतर्गत गुंतवणूकदारांना बाजारापेक्षा कमी दरात सोने खरेदी करण्याची आज शेवटची संधी आहे. गोल्ड लोन घेण्याचा प्लान करताय? या 10 बँका ऑफर करताय सर्वात कमी व्याज

हा बाँड रिझर्व्ह बँक ऑफ इंडिया (RBI) सरकारच्या वतीने जारी केला जातो. या योजनेअंतर्गत तुम्ही ऑनलागारंटीडइन आणि ऑफलाइन अशा दोन्ही पद्धतींनी सोनं खरेदी करू शकता. विशेष म्हणजे गोल्ड बाँडचा जीएसटीच्या कक्षेत समावेश नाही. यासोबतच गॅरंटीड रिटर्नही मिळेल. यावेळी तुम्हाला किती Income Tax भरावा लागणार? असं करा कॅल्क्यूलेट

ऑनलाइन खरेदीवर तुम्हाला प्रति ग्रॅम 50 रुपये सूट मिळेल : पाच दिवसांसाठी उघडलेल्या गोल्ड बाँडसाठी इश्यू प्राइज 5,611 रुपये प्रति ग्रॅम निश्चित करण्यात आली आहे.

ऑनलाइन अर्ज करणाऱ्या गुंतवणूकदारांना प्रति ग्रॅम 50 रुपये सूट देण्याचा निर्णय घेण्यात आला आहे. यासाठी त्यांना डिजिटल माध्यमातून पैसे भरावे लागतील. याचा अर्थ ऑनलाइन पेमेंट गुंतवणूकदारांसाठी गोल्ड बाँड्सची इश्यू किंमत 5,561 रुपये प्रति ग्रॅम असेल.