LIC किंवा पोस्ट ऑफिसची पॉलिसी घेण्याचा विचार करताय? कोणती आहे बेस्ट?

सरकारी विमा कंपनी एलआयसी आपल्या गुंतवणूकदारांना असे अनेक पर्याय देते, जिथे त्यांचे पैसे सुरक्षित असतात आणि चांगले व्याज देखील मिळते. पोस्ट ऑफिसच्या अनेक योजना त्यांच्या गुंतवणूकदारांना उत्कृष्ट परतावा आणि सुरक्षिततेची हमी देतात. तुम्‍ही तुमच्‍या पैशाची गुंतवणूक करण्‍यासाठी असाच पर्याय शोधत असल्‍यास, तुम्ही एलआयसी किंवा पोस्ट ऑफिसच्‍या कोणत्याही स्‍कीममध्‍ये गुंतवणूक करु शकता तुम्हाला पोस्ट ऑफिसमधून 9 पर्याय मिळतील, जिथे तुम्ही वार्षिक 8 टक्के व्याज मिळवू शकता. त्याचप्रमाणे LIC च्या अनेक योजना देखील तुमच्या उपयोगाच्या असू शकतात.

तुम्ही पोस्ट ऑफिसमध्ये पैसे गुंतवून चांगले व्याज मिळवण्याचा विचार करत असाल, तर तुमच्यासाठी अनेक योजना योग्य आहेत. यामध्ये सेविंग अकाउंट, टाइम डिपॉझिट (TD) अकाउंटपासून ते SCSS, PPF, KVP, NSC, MIS आणि सुकन्या समृद्धी अकाउंटही (SSY) उघडता येईल. या खात्यांमध्ये तुम्हाला 8 टक्के पर्यंत उत्कृष्ट परतावा मिळेल.

मासिक उत्पन्न योजना (MIS) : ही केंद्रीय दळणवळण मंत्रालयाच्या अंतर्गत चालवली जाणारी गुंतवणूक योजना आहे. अत्यावश्यक खर्चासाठी तुम्हाला दरमहा ठराविक रक्कम हवी असली तरीही, पोस्ट ऑफिस मासिक उत्पन्न योजना तुमच्यासाठी योग्य पर्याय आहे. पोस्ट ऑफिस मंथली इन्कम स्कीम (POMIS) दरवर्षी 7.1 फटक्के व्याज देते. पोस्ट ऑफिस MIS मध्ये किमान रु 1000 मध्ये खाते उघडता येते. यात तुमचे भांडवल सुरक्षित आहे. तसेच डेट इंस्ट्रमेंट्सच्या तुलनेत चांगले रिटर्न मिळतात.

सीनियर सिटीझन्स सेविंग्स स्किम (SCSS) : या योजनेचा मॅच्युरिटी कालावधी 5 वर्षांचा आहे. SCSS वर सध्याचा व्याज दर वार्षिक 8 टक्के आहे. या खात्यात किमान 1000 ते कमाल 15 लाख रुपयांची गुंतवणूक फक्त एकदाच करता येते. SCSS अंतर्गत, 60 वर्षे किंवा त्याहून अधिक वयाची व्यक्ती खाते उघडू शकते. HDFC चं क्रेडिट कार्ड वापरता? मग तुमच्यासाठी गुडन्यूज, बँकेने सुरु केली खास सुविधा

5 वर्षांचे रिकरिंग डिपॉझिट (RD): पोस्ट ऑफिसमध्ये दरमहा किमान 100 रुपयांच्या हप्त्यावर आरडी उघडते. त्याचा मॅच्योरिटी कालावधी 5 वर्षे आहे. पोस्ट ऑफिस RD वर सध्याचा व्याज दर 5.8 टक्के प्रतिवर्ष आहे. हे खाते 10 वर्षांवरील अल्पवयीन आणि मानसिकदृष्ट्या कमकुवत व्यक्तीच्या नावाने एकल किंवा संयुक्त स्वरूपात उघडता येते. जर ते महिन्याच्या 15 तारखेपूर्वी उघडले असेल, तर तुमचा मासिक हप्ता प्रत्येक महिन्याच्या 15 तारखेपूर्वी त्यात जमा करावा लागतो. विविध बँकांमध्ये अकाउंट असतील तर व्हा सावधान! होऊ शकते नुकसान

पोस्ट ऑफिस टाइम डिपॉझिट (TD): सरकारने 1 जानेवारी 2023 रोजी पोस्ट ऑफिस टाईम डिपॉझिट स्कीमच्या व्याजदरात 20 बेसिस पॉइंट्सने वाढ केली आहे. या वाढीनंतर आता पोस्ट ऑफिसच्या पाच वर्षांच्या एफडी योजनेवर 7.00 टक्के व्याज मिळणार आहे. ग्राहकांना 1 वर्षाच्या FD वर 6.6 टक्के व्याज मिळत आहे. त्याच वेळी, 2 वर्षांच्या एफडीवर6.8 टक्के आणि 3 वर्षांच्या एफडीवर 6.9 टक्के व्याजदर दिला जात आहे. खाली जाणून घेऊया एलआयसीच्या योजनाविषयी...

New Bima Bachat Plan: ही मनी बॅक योजना आहे. यामध्ये, मॅच्युरिटीवर, सिंगल प्रीमियमला लॉयल्टी (कोणी असेल तर) सह परत केले जाते. ही योजना गुंतवणूकदाराच्या रोख गरजांची देखील काळजी घेते, म्हणून त्यामध्ये कर्जाची सुविधा उपलब्ध आहे. 9, 12 आणि 15 वर्षांचे पॉलिसी टर्म पर्याय उपलब्ध आहेत. प्लॅनमध्ये, पॉलिसी टर्मच्या पहिल्या पाच वर्षांमध्ये मृत्यू झाल्यास विम्याची रक्कम देय असते. नवीन बिमा बचत योजनेतील गुंतवणूकदारांसाठी किमान वय 15 वर्षे आहे. तर, कमाल वय 50 वर्षे आहे. ATM Card होल्डर्ससाठी महत्त्वाची बातमी! आता मिळतोय 5 लाख रुपयांचा फायदा, पण कसा?

New Jeevan Shanti deferred annuity plan : LIC ने निवृत्तीनंतरच्या पेन्शनसाठी ही योजना देऊ केली आहे. ही एक नॉन लिंक्ड, नॉन-पार्टिसिपिंग, वैयक्तिक, सिंगल प्रीमियम, डिफर्ड अॅन्युइटी योजना आहे. जॉइंट लाइफ प्लानसाठी तुम्हाला किमान 1.5 लाख रुपये गुंतवावे लागतील. जे तुम्ही तुमच्या सोयीनुसार वार्षिक, सहामाही, त्रैमासिक किंवा मासिक आधारावर अदा करू शकता. या प्लॅनमध्ये किमान वार्षिकी म्हणजेच वार्षिक वेतन 12,000 रुपये आहे.

LIC New Children’s Money Back Plan : हा विमा घेण्यासाठी किमान वय 0 वर्षे आहे. विमा काढण्यासाठी कमाल वय 12 वर्षे आहे. त्याची किमान विमा रक्कम रु. 10,000 आहे. प्रीमियम वेव्हर बेनिफिट रायडर ऑप्शन देखील उपलब्ध आहे. LIC च्या न्यू चिल्ड्रन मनी बँक प्लॅनची ​​एकूण मुदत 25 वर्षे आहे. या योजनेअंतर्गत, मूल 18, 20 आणि 22 वर्षांचे झाल्यावर LIC मूळ विमा रकमेच्या 20% देते.