LIC पॉलिसी धारकांनो, 31 मार्चपूर्वी करा हे काम, अन्यथा...

मुंबई, 15 फेब्रुवारी: तुम्हीही भारतीय आयुर्विमा महामंडळाकडून पॉलिसी घेतली असेल, तर महत्त्वाची माहिती समोर आली आहे. एलआयसीने अधिसूचना जारी करून माहिती दिली आहे की, जर ग्राहकांनी एलआयसी पॉलिसीशी पॅन कार्ड लिंक केले नसेल तर ते लवकर करा. अन्यथा एलआयसी पॉलिसीशी संबंधित समस्यांना सामोरे जावे लागू शकते.

भारतीय आयुर्विमा महामंडळाने म्हटले आहे की, 31 मार्च 2023 पूर्वी एलआयसी पॉलिसी पॅनशी लिंक करणे अनिवार्य आहे. एलआयसी पॉलिसी तुम्ही ऑनलाइन देखील पॅनसोबत लिंक करु शकता. त्याविषयी जाणून घेऊया सविस्तर...

ग्राहकांना एलआयसी इंडियाच्या वेबसाइटला भेट द्यावी लागेल किंवा ते linkpan.licindia.in/UIDSedingWebApp/getPolicyPANStatus ला भेट देऊ शकतात. येथे तुम्ही तुमचे पॅन कार्ड ऑनलाइन लिंक करू शकता आणि त्याचे स्टेटस देखील तपासू शकता.LIC ची योजना तुमच्यावर करेल 'धनवर्षाव'! मिळेल जबरदस्त परतावा, लवकरच संपणार ऑफर

सर्वात आधी linkpan.licindia.in/UIDSedingWebApp/getPolicyPANStatus टाइप करून सर्च करा आणि लॉगिन करा. मग पॉलिसी क्रमांक टाका. यानंतर जन्मतारीख माहिती भरा. आता पॅन कार्ड डिटेल भरा. नंतर कॅप्चा भरून सबमिट करा. आता PAN LI मधील लिंक माहिती तुमच्या डिस्प्लेवर दिसेल.

पॅन कार्ड लिंक होत नसेल तर काय करावं? : जर तुमचे पॅन कार्ड एलआयसीशी लिंक होत नसेल, तर तुम्हाला 'click here to register your PAN with us' वर जावे लागेल. एक नवीन ज ओपेन होईल. या पेजवर तुम्हाला संपूर्ण माहिती भरावी लागेल. तुमचा पॅन एलआयसी पॉलिसीशी लिंक करण्यासाठी linkpan.licindia.in/UIDSedingWebApp/home वर लॉग इन करा.दुकानदार कॅरीबॅगचे वेगळे पैसे मागू शकतो का? काय सांगतो कायदा?

लॉग इन केल्यानंतर, जन्मतारीख आणि पॅन डिटेल्स भरा. आता जेंडर पर्याय निवडा. पॅन कार्डच्या आधारे email ID, पॅन डिटेल आणि पूर्ण नाव भरा. यानंतर मोबाईल नंबर, पॉलिसी नंबर आणि कॅप्चा कोड टाका. आता त्यावर क्लिक करा आणि मोबाईल नंबरवर मिळालेला OTP टाका. ओटीपी टाकल्यानंतर तुमची एलआयसी पॅन कार्डशी लिंक केली जाईल.