QR Code ने पेमेंट करताय? जरा थांबा, 'या' चुका पडू शकतात महागात

तुम्ही QR कोडद्वारे सर्वाधिक डिजिटल पेमेंट देखील करता का? जर उत्तर हो असेल तर काही गोष्टींची काळजी घेणे अत्यंत आवश्यक आहे. QR कोड वापरून डिजिटल पेमेंट करणार्‍या लोकांची कमी नाही. बहुतेक लोक फक्त QR कोडद्वारेच पैशांचा व्यवहार करणे योग्य मानतात. कारण इथून पैसे ट्रान्सफर करणं सोपं आहे आणि खूप कमी वेळ लागतो. Paytm वरुन क्रेडिट कार्ड बिल तुम्हाला भरता येतं का? ही आहे सोपी प्रोसेस

QR कोडचा फूल फॉर्म क्विक रिस्पॉन्स कोड आहे. ते जपानमध्ये प्रथम बनवलेल्या स्क्वेअर बारकोडसारखेच आहे. हे पारंपारिक UPC बारकोड सारखेच आहे जे horizontal lines सारखे आहे. तुम्ही QR कोड वापरून डिजिटल पेमेंट करत असाल, तर लक्षात ठेवा की QR कोड स्कॅन केल्यावर तुम्हाला फक्त तुमच्या पेमेंट अॅपवर नेले जाईल. जर ते तुम्हाला इतरत्र घेऊन जात असेल तर तुम्ही काळजी घेणे आवश्यक आहे. मोबाईल चोरी झाला? कसं डिअ‍ॅक्टिव्हेट कराल UPI अकाउंट? फॉलो करा सिंपल स्टेप्स

चुकूनही या चुका करू नका : जर कधी QR कोड स्कॅन केल्यानंतर, तुम्हाला एखादे अॅप डाउनलोड करण्यासाठी लिंकवर नेण्यात आले. तर तुम्ही तेथून ताबडतोब बाहेर पडावं. तुम्हाला जे अॅप डाउनलोड करण्यास सांगितले जात आहे त्याचा तुमच्या बँक खात्यात ठेवलेल्या पैशांवर परिणाम होण्याची शक्यता आहे. बर्‍याच वेळा हॅकर्स तुमच्या ई-मेलमध्ये QR कोड पाठवतात की पेमेंट अयशस्वी झाले असल्यास, ते येथून पूर्ण करा. अशा प्रकारच्या मेलकडे दुर्लक्ष करा. त्यात येणारे QR कोड कधीही स्कॅन करू नका. असे केल्याने तुम्हाला मोठे नुकसान सहन करावे लागू शकते.

या गोष्टी ठेवा लक्षात : जर कोणी तुम्हाला QR कोड वापरून पैसे रिसीव्ह करण्यास सांगत असेल तर सावध व्हा आणि असं करु नका. कारण रक्कम मिळवण्यासाठी QR कोड कधीही स्कॅन केल जात नाही. शॉपिंग मॉल, पेट्रोल पंप किंवा इतर कोणत्याही मोठ्या किंवा छोट्या दुकानात QR कोड स्कॅन करताना अत्यंत काळजीपूर्वक करावे.

QR कोडमध्ये काय Store केले जाऊ शकते? :अगदी सोप्या भाषेत सांगायचे तर, QR कोड हा ‘image-based hypertext link’ आहे जो आपण ऑफलाइन मोडमध्येही वापरू शकतो. यामध्ये आपण कोणतीही URL एन्कोड करू शकतो जेणेकरून कोणी QR कोड स्कॅन केला तर ती वेबसाइट सहज उघडू शकेल. उदाहरणार्थ, जर तुम्हाला एखाद्याने तुमचे फेसबुक पेज लाईक करावे असे वाटत असेल, तर तुम्ही त्या QR कोडमध्ये तुमच्या Facebook पेजची URL देऊ शकता, जेणेकरून एखाद्याला ते स्कॅन करायचे असेल तर ते तुमच्या Facebook पेजवर रीडायरेक्ट केले जाईल.