Birthday Special : बॉलिवूड पदार्पणाआधीच लव्ह लाइफमुळे चर्चेत राहिली होती जान्हवी कपूर

श्रीदेवी यांची मुलगी जान्हवी कपूरचा आज 23 वा वाढदिवस. 'धडक' सिनेमातून दमदार डेब्यू करणारी जान्हवी त्या अगोदरच तिच्या लव्ह लाइफमुळे चर्चेत राहिली होती.

2018 मध्ये जान्हवीनं इशान खट्टरसोबत धडक सिनेमातून बॉलिवूडमध्ये पदार्पण केलं होतं. पण त्याआधी ती अक्षत रंजनसोबतच्या रिलेशनशिपमुळे सोशल मीडियावर खूप चर्चेत राहिली होती. अक्षत हा तिचा बालमित्र आहे.

जान्हवीच्या 21 व्या वाढदिवसाला अक्षतनं त्याच्या इन्स्टाग्रामवर जान्हवीसोबतचा फोटो शेअर केला होता. ज्याच्या कमेंटमध्ये जान्हवीनं आय लव्ह यू असं लिहिलं होतं. त्यानंतर त्याच्या नात्याच्या चर्चा सुरू झाली होती.

या नंतर अक्षतच्या प्रोफाइलवर जान्हवीचे फोटो सतत दिसू लागले होते. सूत्राच्या माहितीनुसार जान्हवी अक्षतला डेट करत होती. मात्र तिनं मीडियासमोर हे नातं कधीच मान्य केलं नाही.

काही काळानं जान्हवी आणि अक्षतमध्ये दुरावा निर्माण झाल्याचं बोललं जात होतं. त्यावर एका मुलाखतीत जान्हवीनं आमच्याबद्दल अफावा पसरत असल्यानं आम्ही सार्वजनिक ठिकाणी भेटणं बंद केल्याचं सांगितलं होतं.

अक्षत व्यतिरिक्त जान्हवीचं नाव शिखर पहारिया सोबत जोडलं गेलं होतं. शिखर हा माजी केंद्रीय मंत्री सुशिल कुमार शिंदे यांचा नातू आहे. मात्र जान्हवीनं याबद्दल कधीच काही कमेंट केली नाही.

शिखर नंतर जान्हवीचं नाव जोडलं गेलं ते तिचा को-स्टार इशान खट्टरसोबत. या दोघांना अनेक पार्ट्यांमध्ये एकत्र पाहिलं गेलं. तसेच जान्हवीला भेटायला इशान तिच्या घरी जात असल्याचं बोललं गेलं होतं.

जान्हवी कपूरच्या वर्कफ्रंटबद्दल बोलायचं तर लवकरच ती ‘गुंजन सक्सेना : द कारगील गर्ल’ या सिनेमातून प्रेक्षकांच्या भेटीला येणार आहे. याशिवाय तिच्या ‘तख्त’ आणि ‘रुही अफजा’ हे दोन सिनेमा आहेत.