Home /News /news /

मराठवाड्याला लवकरच मिळणार खूशखबर, पैठणमधून येणार आनंदाची बातमी!

मराठवाड्याला लवकरच मिळणार खूशखबर, पैठणमधून येणार आनंदाची बातमी!

जायकवाडी धरणात 67 टक्के पाणीसाठा आहे. नाशिकहून सोडलेले पाणी जायकवाडी धरणात पोहचले आहे.

    औरंगाबाद, 18 ऑगस्ट : कायम दुष्काळाने होरपळणाऱ्या आणि भीषण पाणी टंचाईचा सामना करणाऱ्या मराठवाड्यावर यंदाही वरुणराजाने चांगलीच कृपा दाखवली आहे. महाराष्ट्रातील सर्वात मोठे धरण असलेले जायकवाडी यंदाही 100 टक्के भरण्याची दाट शक्यता आहे. उत्तर महाराष्ट्र आणि नांदूर मधमेश्वर बंधाऱ्याच्या मुक्त पाणलोट क्षेत्रात पावसाने दमदार हजेरी लावली आहे. गोदावरी नदी तुडुंब भरून वाहत आहे. त्यामुळे नाशिकहुन पाणी सोडण्यात आले आहे. हे पाणी आता जायकवाडी धरणाला मिळाले आहे.  जायकवाडी धरणात 67 टक्के पाणीसाठा आहे. नाशिकहून सोडलेले पाणी जायकवाडी धरणात पोहचले आहे. कोरोनामुळे सहकारातील ज्येष्ठ नेते सुधाकर परिचारक यांचे निधन 20 हजार क्युसेक ने पाण्याची आवक सुरू आहे. गेल्या चार दिवसांमध्ये जायकवाडी धरणात 10 TMC इतके पाणी आहे. जर पुढील काही दिवस हे पाण्याची आवाक अशीच सुरू राहिली तर यंदा जायकवाडी धरण 100 टक्के भरण्याची शक्यता आहे. जायकवाडी धरण भरणे ही मराठवाड्यासाठी मोठी आनंदाची बातमी असणार आहे. तर दुसरीकडे अहमदनगर जिल्ह्यातील भंडारदरा धरणही लवकरच काटोकाट भरणार आहे. भंडारदरा धरण हे आता 96 टक्के भरले आहे. भंडारदरा धरणातून 4399 क्युसेक इतका निळवंडे धरणात पाण्याचा विसर्ग सुरू आहे. निळवंडे धरण भरल्यानंतर पाण्याचा विसर्ग करण्यात येईल. त्यानंतर हे पाणी प्रवरा नदी मार्गे जायकवाडीत मिळणार आहे. पुणेकरांनो यंदा असा साजरा करा गणेशोत्सव, पोलिसांनी जाहीर केली आचारसंहिता त्यामुळे यंदाही जायकवाडी धरण भरणार असल्यामुळे मराठवाड्यातील जालना, बीड, लातूर जिल्ह्यांना मोठा दिलासा मिळणार आहे.  मागील वर्षी सुद्धा मराठवाड्यात कमी पाऊस होता. पण, नाशिकहुन पाण्याची आवाक वाढल्यामुळे जायकवाडी धरण यंदाही भरणार अशी चिन्ह आहे.
    Published by:sachin Salve
    First published:

    Tags: जायकवाडी धरण

    पुढील बातम्या