Election Results 2022 Live Updates (विधानसभा निवडणूक निकाल 2022 लाइव्ह अपडेट): पंजाबमध्ये दिग्गजांना झटका! चरणजीत सिंग चन्नी यांचा दोन्ही जागांवर पराभव

Goa Election Result 2022 Latest Update: भाजपच्या गोवा कार्यालयात जल्लोष सुरू झाला आहे. निवडणूक आयोगाच्या आकडेवारीनुसार भाजपने 5 जागा जिंकल्या असून 15 जागांवर आघाडीवर आहे. जागा कमी झाल्यास अपक्ष आणि महाराष्ट्रवादी गोमंतक पक्ष आपल्यासोबत असल्याचे गोव्याचे मुख्यमंत्री प्रमोद सावंत यांनी म्हटले आहे.
तर भाजप नेते देवेंद्र फडणवीस यांनी अशी प्रतिक्रिया दिली आहे की, गोव्याच्या जनतेने आम्हाला स्पष्ट बहुमत दिले आहे. आम्हाला 20 जागा किंवा 1-2 त्यापेक्षा अधिक जागा मिळतील. नागरिकांना पंतप्रधान मोदींवर विश्वास दाखवला आहे. अपक्ष उमेदवार देखील आमच्यासोबत येत आहेत. मगोप देखील आमच्याबरोबर आहे आणि सर्वांना एकत्र घेऊन आम्ही सरकार स्थापन करू.

UP Election: यूपीचे मुख्यमंत्री आज रात्री उशिरा किंवा उद्या सकाळी दिल्लीला पोहोचण्याची शक्यता, पंतप्रधान नरेंद्र मोदी यांची घेणार भेट. त्याचप्रमाणे आज दुपारी 4.30 वाजता भाजप कार्यालयात CM येणार असल्याची सूत्रांची माहिती

Assembly Election 2022 Live Update: पाच राज्यांच्या निवडणूक निकालांच्या दुपारी 2.30 वाजेपर्यंतचा डेटा
उत्तर प्रदेशात भाजप 261, सपा 135, बसपा 2, काँग्रेस 3, इतर 2 जागांवर आघाडीवर आहे.
पंजाबमध्ये आम आदमी पक्ष 94, काँग्रेस 16, अकाली दल आघाडी 5, भाजप आघाडी 2, इतर 1 जागांवर आघाडीवर आहे.
उत्तराखंडमध्ये भाजप 45, काँग्रेस 21, इतर 4 जागांवर आघाडीवर आहे
गोव्यात भाजप 19, काँग्रेस 12, टीएमसी आघाडी 3, आम आदमी पार्टी 2, इतर 4 जागांवर आघाडीवर आहे.
मणिपूरमध्ये भाजप 25, काँग्रेस 4 आणि इतर 19 जागांवर आघाडीवर आहे

Punjab Election Result 2022: पंजाबमध्ये आम आदमी पार्टीची 93 जागांवर आघाडी, AAP ची पंजाबात जोरदार मुसंडी

Punjab Election Result 2022: सोनू सूदची बहीण मालविका सूद यांचा पराभव, त्या मोगामधून काँग्रेसच्या उमेदवार होत्या

Punjab Election Result 2022: पटियाला सिटी मतदारसंघातून कॅप्टन अमरिंदर सिंग यांचा पराभव झाला आहे. अमृतसर पूर्व मतदारसंघातून नवज्योतसिंग सिद्धू यांचा पराभव झाला आहे. याशिवाय सुखबीर बादल जलालाबादमधून निवडणूक हरले आहेत. प्रकाशसिंग बादल हे लांबी मतदारसंघातून पिछाडीवर आहेत. सोनू सूदची बहीण मालविका सूद मोगामधून निवडणूक हरल्या आहेत

Punjab Election Result 2022: पंजाब विधानसभा निवडणुकीमध्ये दिग्गजांना पराभवाचा सामना करावा लागला आहे. काँग्रेसचे उमेदवार मुख्यमंक्षी चरणजीत चन्नी यांचा चमकौर साहीब आणि भदौर दोन्ही जागांवर पराभव झेलावा लागला आहे

लखनऊमधील भाजप कार्यकर्ते प्रचंड उत्साहात असून ते बुलडोझर घेऊन विधानभवनासमोर पोहोचले आहेत. भाजपचे कार्यकर्ते बुलडोझरवर चढून होळी खेळत आहेत.